सोमबार, कार्तिक १० २०७७ | Mon, October 26, 2020
नेपालको समय: २१:२१ | UK Time: 15:36

मायाका रहरहरु

वीनेपाली
२०७३ साउन २४ गते ०:४२

Pradip
हेर्ने रहर तिमीलाई लिएर
एक्लै एक्लै म बाटोहरु खोजी रहेछु
गन्तब्य तिमी नै हो बुझेर
एक्लै भौतरिएर यात्रा सुरु गरेको छु
भेट्ने आशा छ तिमीलाई
कल्पनाको तस्विरहरुमा तिमीलाई देखेको छु

सपनाका यथार्थहरूमा भेटेको छु
हेर्ने रहर तिमीलाई लिएर
एक्लै एक्लै म बाटोहरु खोजी रहेछु
जुनेली रातमा तिमी जुन हौ भनेर
तिम्रो अटुट साथमा म मग्न हुन्छु
चांदनी रातमा तिमी चांद बनेर
तिम्रो किरणहरुले मलाई हेरिदिए जस्तो गर्छौ

हेर्ने रहर तिमीलाई लिएर
एक्लै एक्लै म अझै हिंडिरहेछु
सपनाको यथार्थहरूमा
तिमीलाई अझै खोजिरहेछु
तिमी खोला बनेर कल्कलाउदै
अथाह सागरतिर ओर्लदा
म त्यही किनार बनेर
तिम्रो क्षणिक स्पर्शमा पनि दंग हुन्छु
भेट्ने रहर तिमीलाई लिएर
अझै गोरेटोहरुमा पर्खिने गरेको छु

हेर्ने रहर तिमीलाई लिएर
एक्लै एक्लै म अझै हिंडिरहेछु
सुगन्ध तिम्रो त्यो खोजमा
म फूल बनेर जहाँतहीं फूली दिन्छु
माया तिम्रो त्यो सोचमा
म मेरो जिन्दगी यसै गरी बिताइदिन्छु

हेर्ने रहर तिमीलाई
भेट्ने आशा छ तिमीलाई
तिम्रो प्रतिक्षामा म सधैं सधैं दंग हुन्छु
हेर्ने रहर तिमीलाई लिएर
एक्लै एक्लै म बाटोहरु खोजिरहेछु
गन्तब्य तिमी नै हो बुझेर
एक्लै भौतरिएर यात्रा सुरु गरेको छु

प्रतिक्रिया

सम्बन्धित सामाग्री

फेसबुक