प्रियंका ८ अगष्टमा लन्डन आउंदै

तस्विरः सुरज पौडेल

तस्विरः सुरज पौडेल

लन्डन । लोकप्रिय नायिका प्रियंका कार्की यही ८ अगष्टमा लन्डन आउने भएकी छिन् । ६ महिनाबीचमा उनी दोश्रोपटक लन्डन आउन लागेकी हुन् । यसपटक प्रियंकाको बेलायत भ्रमण फिल्म प्रदर्शन वा नृत्य गर्न नभएर सुन्दरीहरुतर्फ लक्षित छ ।

२१ अगष्ट आइतबार सांझ एम्पायर बैंक्यूटिङ हल अल्डरसटमा हुन लागेको ५ औं मिस यूके नेपाल २०१६ का प्रतिष्पर्धीहरुका लागि कोरियोग्राफी गर्न प्रियंका यूके आउन लागेकी आयोजक शान्ति गुरुङले जानकारी दिइन् ।

२४ अगष्टमा नेपाल फर्कनुअघि प्रियंकाले मिस यूके नेपालका 
सुन्दरीहरुलाई कोरियोग्राफी र अन्य प्रशिक्षण दिनेछन् ।

भर्खर अमेरिका घुमेर नेपाल फर्किएकी प्रियंका नेपालमा अति व्यस्त नायिका मानिन्छिन् ।

यसपटकको प्रतियोगितामा आठ जना सुन्दरीहरुले प्रतिष्पर्धा 
गर्दैछन् । अलिसा, मेघ्ना, कल्पना, टेनिसा, प्रशंसा, विभिया, सुनिता र आरती भिडेका हुन् ।

साढे तीन बजे शुरु हुने उक्त प्रतियोगिताको तयारी अन्तिम चरणमा छ । हालसम्म ट्यालेन्ट राउण्ड सम्पन्न भइसकेको आयोजकले जनाएका छन् ।

प्रतिक्रिया

सम्बन्धित सामाग्री