आइतबार, कार्तिक १६ २०७७ | Sun, November 01, 2020
नेपालको समय: ०१:३५ | UK Time: 19:50

योगगुरु डा. बिकासानन्दले लन्डनमा योगा तथा प्रवचन दिने

वीनेपाली
२०७३ साउन १६ गते १०:५५

bikashananda-1

लन्डन । मनोक्रान्तिका सम्बाहक योगगुरु डा. बिकासानन्दले लन्डनमा योगा तथा प्रवचन दिने भएका छन् । हाल बेलायत भ्रमणमा रहेका उनले २१ अगस्ट, २०१६ आइतबार फेल्थाम कम्युनिटी कलेज हल लन्डनमा प्रवचन दिन लागेका हुन् । योग साधना प्रणेता डा. विकासानन्द मानिसका विभिन्न समस्याको मुक्ति दिलाउने अमुल्य कला सिकाउन र जीवनमा उर्जा भरिदिन नेपालदेखि बेलायतसम्म आएको मौकामा यस्तो कार्यक्रम गर्न लागिएको हो ।

योग साधना स्वास्थ्य जीवन जिउने कला र सकारात्मक उर्जा भर्ने एक अत्यन्त उपयोगी साधन भएको जनाउंदै आयोजकले कार्यक्रममा सहभागिताका लागि आग्रह गरेका छन् । कार्यक्रम संयोजक हेम गुरुङले बेलायतस्थित नेपाली समुदायलाई जीवन उपयोगी कला प्रदान गर्ने पवित्र उद्देश्यसंगै कार्यक्रमबाट संकलित रकम नेपालका बाढी पीडितको सहयोगमा खर्च गरिने जनाए ।

कार्यक्रम सहयोगी जगन कार्कीका अनुसार उक्त अवसरमा योगगुरु बिकासानन्दबाट प्रत्यक्ष मोटिभेसन, योगा सिक्ने अवसर हुनेछ र कार्यक्रममा खर्च कटाएर बचेको रकम बाडी पीडितको सहयोग स्वरुप पठाइनेछ ।

३ घन्टाको समय अत्यन्त उपयोगी र जिवनभर उर्जा दिन सफल हुने दावी कार्कीको छ ।

अर्का संयोजक बीरेन्द्र श्रेष्ठले १० पाउण्डमा खाना, योग शिक्षा र बाढी पीडितलाई सहयोग पनि हुने भन्दै जनसमुदायलाई उपस्थित भएर कार्यक्रम सफल पारिदिन अनुरोध गरेका छन् ।

प्रतिक्रिया

सम्बन्धित सामाग्री

फेसबुक