लण्डन । लोहो (हाम्रो) समाज युकेको नयाँ अध्यक्षमा रिटायर्ड क्याप्टेन अमरबहादुर रानामगर चुनिएका छन् ।
नवनिर्वाचित अध्यक्षलाई समाजको शनिबार फेल्थम, लण्डनमा सम्पन्न वार्षिक भेटघाट समारोहमा निवर्तमान अध्यक्ष शेरबहादुर आलेमगरले कार्यभार हस्तान्तरण गरे ।
रानामगरकै अध्यक्षतामा भएको सो कार्यक्रममा समाजका नवनिर्वाचित पदाधिकारी, सदस्य र सल्लाहकारहरु, विभिन्न तहका शैक्षिक परीक्षाहरुमा सफलता पाउने छोराछोरीहरु, नयाँ जागिर पाउने छोराछोरीहरु, वैवाहिक बन्धनमा बाँधिएकाहरु र नयाँ सदस्यहरुलाई बधाई ज्ञापन गरिएको थियो ।
सचिव टंकबहादुर आलेमगरको संचालनमा भएको सो कार्यक्रममा कलाकार तथा समाजका सदस्यहरुले झ्याउरे, हुर्रा नाच तथा गीत पस्केर मनोरञ्जन दिलाएका थिए ।
कार्यक्रममा निवर्तमान अध्यक्ष आलेमगर र नवनियुक्त अध्यक्ष रानामगरले मन्तब्य दिएका थिए ।