फ्रान्समा भिडमाथि अन्धाधुन्ध ट्रक कुंदाएर ८४ को हत्या

Nice-truck-terror-attackलन्डन । फ्रान्सले अर्को आतंकवादी आक्रमणको सामना गर्नुपरेको छ । लरी चालकले बिहीबार राती ११ बजे दक्षिणी फ्रान्सको निस शहरमा हजारौंको भिडमाथि अन्धाधुन्ध लरी (ट्रक) कुदाउंदा ८४ जना मारिएका छन् । ५० भन्दा बढि घाइते मध्ये १८ जनाको अवस्था गम्भीर भएको बीबीसीले जनाएको छ । मारिनेमा कयौं वालवालिका पनि छन् । मृतक संख्या अरु बढ्ने अनुमान गरिएको छ । आक्रमणको कसैले जिम्मेवारी लिएको छैन् ।

चालकले शुरुमा गन फायर गरि प्रोमेनेड डेस एंगलियस सडकमा करिब दुई किलोमिटरसम्म लरी कुंदाएर स्वतन्त्रता दिवस (बस्टिल डे) मनाइरहेका सर्वसाधारणको हत्या गरेको हो । फ्रान्सेली राष्ट्रपति फ्रान्सियस अलन्डले आतंकवादी आक्रमणको संज्ञा गर्दै घट्नाको निन्दा गरेका छन् । उनले सुरक्षा 
व्यवस्था थप कडा बनाइएको जनाउंदै यसै महिनाको अन्तिममा अन्त्य र्ने भनिएको ‘संकटकाल’ अरु तीन महिना लम्ब्याइएको बताएका छन् । अलन्डले आतंकवाद विरुद्धको लडाईं जारी रहने पनि उद्घोष गरेका छन् । अहिले सुरक्षा बैठक बसिरहेको छ ।

घट्नाको विश्व नेताले भत्र्सना गरेका छन् । अमेरिकी राष्ट्रपति बाराक ओबामा, क्यानेनिडयन प्रधानमन्त्री जस्टिन ट्रेडयू, जर्मन चान्सलर एंगेला मर्केल, संयुक्त राष्ट्रसंघ आदिले आतंकवादी आक्रमणको निन्दा गरेका छन् ।

प्रहरीले चालकलाई गोली हानी मारिदिएको छ । लरीमा भेटिएको आइडी कार्डका अनुसार चालक ३१ वर्षीय ट्यूनिसियामुलको फ्रान्सेली भएको प्रहरीले जनाएको छ । लरीभित्र भारी मात्रामा ग्रीनेड र हातहतियार रहेको त्यहांको उपमेयरले फ्रान्सेली टिभीलाई जनाएका छन् ।

फ्रान्सले यसअघि पनि आतंकवादी आक्रमणको सामना गरेको थियो । १८ महिनायता फ्रान्सले ७ औं आतंकवादी निसाना भोगेको हो । गत वर्ष नोभेम्बरमा कन्सर्टमा रमाइरहेका दर्शकमाथि आक्रमण गरि एकसय ३० जनाको हत्या गरिएको थियो भने गत वर्ष जनवरीमा  चार्ली हेब्डो पत्रिकाको कार्यालयमा भएको आततायी आक्रमणमा १७ जनाको हत्या भएको थियो ।

aanice1-large_trans++qVzuuqpFlyLIwiB6NTmJwfSVWeZ_vEN7c6bHu2jJnT8

प्रतिक्रिया

सम्बन्धित सामाग्री