मंगलबार, कार्तिक ११ २०७७ | Tue, October 27, 2020
नेपालको समय: १४:२९ | UK Time: 08:44

गायिका झुमा लिम्बुलाई लन्डन हिथ्रोमा स्वागत

वीनेपाली
२०७३ असार ३१ गते ०:५२

13694135_815131911955816_1235622020_o
लन्डन । गायिका झुमा लिम्बु बुधबार सांझ लन्डन उत्रिएकी छिन् । उनी हिथ्रो विमानस्थल टर्मिनल फोरमा उत्रंदा माङ्गेन्ना चुम्लुङ यूकेकी अध्यक्ष श्रीमति कमला सेन्दाङ लिम्बु, उपाध्यक्ष कल्पना 
आङबुहाङ र सल्लाहकार श्रीमती नरकुमारी लिम्बु एवं एनआरएनए आइसीसी सदस्य श्रीमति शुष्मा राईले पुष्प गुच्छा र खादाले स्वागत गरे ।

लिम्बु मुन्धुम संगीतको खोज तथा अनुसन्धानकर्ता गायिका झुमा लिम्बु (वनेम) याक्थुङ माङ्गेन्ना चुम्लुङ यूकेको निमन्त्रणा एवं स्पोन्सरमा बेलायत आएकी हुन् । बेलायत भ्रमणका क्रममा याक्थुङ माङ्गेन्ना चुम्लुङ यूकेले विभिन्न शहरमा झुमाको सांगीतिक कार्यक्रम गरिने जनाएको छ ।

सुमधुर स्वरकी धनी गायिका झुमाले नेपाली तथा लिम्बु गीत 
संगीतका निमित्त धेरै योगदान गरेकी छिन् । पहिलो गीति एल्बम ए साइला… को अपार सफलता पछि निरन्तर गीत 
संगीत साधनामा लागेकी छन् झुमा । नेपाली सांगीतिक आकाशमा उनलाई एक चम्किलो ताराका रुपमा पनि लिइन्छ ।

सायद संगीतका मुर्धन्य व्यक्तित्व स्वर्गीय अमर गुरुङको कुशल प्रशिक्षण र आशीर्वादले होला, गायिका झुमाका आधुनिक गीतहरु 
कर्णप्रिय र ह्दयस्पर्शी छन् । उनको दोस्रो गीति एल्बम अम्बर संगीत यसको ज्वलन्त दृष्टान्त हो ।

झुमाले लिम्बु लय र संगीतको लामो समयसम्म खोज अनुसन्धान गरि केहि वर्ष अगाडि खासाम गीति एल्बम श्रोता समक्ष ल्याएकी थिइन् ।

कतिपय श्रोता खासाम लिम्बु गीत संगीतको एकत्रित दर्पण, लिम्बु जातिहरुको जनजिब्रो र मुन्धुम संगीतको संग्रह पनि ठान्दछन् ।

13718092_815131935289147_1650363836_o

प्रतिक्रिया

सम्बन्धित सामाग्री

फेसबुक