
किरायाले वृद्धवृद्धालाई क्रिकेट टिकेट निशुल्क दिने
लन्डन । किरात राइ यायोख्या यूके (किराया) ले वृद्धवृद्धालाई क्रिकेट खेलको टिकेट निशुल्क उपलब्ध गराउने भएको छ । किराया
१९ जुलाई २०१६ का दिन नेपाली क्रिकेट टिम र एमसीसीबीच लर्डस मैदानमा हुने मैत्रीपूर्ण खेलको टिकेट निशुल्क उपलव्ध गराउने निर्णय भएको अध्यक्ष पदम राईले जानकारी दिए ।
नेपाली दूतावासले बेलायतस्थित सबै नेपाली संघ संस्थालाई आ आफ्नो तर्फबाट सकेसम्म धेरै दर्शक सहभागी गराएर नेपाली टिमको मनोबल बढाइदिन अनुरोध गरिरहंदा किरायाले यस्तो निर्णय गरेको हो । राई जातीका वृद्धवृद्धालाई मात्र टिकेट उपलव्ध गराइनेछ ।
‘इभेन्ट हाम्रो देशको इज्जत र बेलायतबासी नेपालीहरुको एकतासंग जोडिएकाले पनि हामीले वृद्धवृद्धालाई इभेन्टमा निशुल्क टिकेट र जतिसक्दो उल्लेख्य दर्शक लैजाने निर्णय गरेका हौं’, राईले भने ।
बेलायत नेपाल कुटनीतिक सम्वन्ध स्थापनाको दुई सय वर्ष गांठका अवसरमा क्रिकेट खेल हुन लागेको हो । खेल खेल्न क्याप्टेन पारस खड्कासहित १४ खेलाडी र अफिसियल यही जुलाई ११ मा लन्डन आउने कार्यक्रम छ ।
प्रतिक्रिया

सम्बन्धित सामाग्री
- बेलायतमा कसरी बन्यो कोभिड–१९ बारे जानकारी दिने नेपाली भाषामा पर्चा ?
- सोमबारदेखि बेलायत छोड्न फाराम भर्नुपर्ने, २०० पाउण्ड जरिवाना हुनसक्ने
- आजदेखि बेलायत आइपुग्ने यात्रुले १० दिन होटल क्वारेन्टिनमा बस्न पर्ने
- कारोना संक्रमणका कारण प्रवासमा मृत्यु भएकाको शव नेपाल लैजाने पाइने
- गोरखा भूपू सैनिकको समस्याबारे प्राविधिक समितिको प्रतिवेदनमाथि बेलायतले नेपालसित वार्ता नगर्ने