फर्किए ज्योति र भद्रगोल कलाकार

लन्डन । सांगीतिक कार्यक्रम गर्न बेलायत आएका तीन कलाकार स्वदेश फर्किएका छन् । सपन इन्टरटेनमेन्ट लिमिटेडले आयोजना गरेको ‘बब्बाल धमाका’ का लागि बेलायत आएका कलाकारत्रय ज्योति मगर र भद्रगोल सिरियलका बले (सागर लम्साल) अनि कक्रोज (हरि निरौला) को एक समारोहबीच विदाइ गरिएको छ । फार्नबोरोस्थित गोर्खा प्यालेस रेष्टुरेन्टमा कार्यक्रम गरिएको हो ।

विदाइ कार्यक्रममा स्पोन्सर सपन इन्टरटेनमेन्ट लिमिटेडका निर्देशक सपनकुमार राई, एनआरएनए यूके अध्यक्ष मुछेत्र गुरुङ, पूर्व अध्यक्ष सूर्य गुरुङ, श्रीमति मन्जु गुरुङ राई लगायतले कलाकारलाई पुष्पगुच्छा र खादाले विदाइ गरे । कलाकारहरुले यूके सम्म बोलाएर कार्यक्रम गर्ने अवसर दिएकामा आयोजक र दर्शकप्रति आभार व्यक्त गरेका थिए ।

ति कलाकारले अल्डरसट, फोकस्टोन, ह्यारो, लेष्टर, फेल्थाम, स्वीन्डन र प्लमस्टिडमा कार्यक्रम गरेका थिए । ज्योतिले निर्धारित कार्यक्रम भन्दा बेग्लै निरमाया रोधीघरमा पनि गाएकी थिइन् । स्वीन्डनको शोमा भने गायक शिव परियार पनि सहभागी भए ।