न्यौपानेको ‘मेरो घरको छानो’ लन्डनबाट विमोचन हुंदै

लन्डन । पत्रकारिता र अध्यापनमा लामो अनुभव संगालेका 
प्रमोदराज न्यौपानेको पहिलो गीति एल्बम ‘मेरो घरको छानो’ लन्डनबाट सार्वजनिक हुने भएको छ । यही जुन २६ तारिख आइतबार ऊलवीचस्थित ट्रामसेड थिएटरमा एक समारोहबीच एल्बम विमोचन हुन लागेको हो । अन्तर्राष्ट्रिय नेपाली कलाकार समाज (इनास) यूकेले विमोचन कार्यक्रम तय गरेको हो ।

कार्यक्रममा शीर्ष गीतको म्यूजिक भिडियो प्रदर्शन गरिनुका साथै गायक न्यौपाने र बेलायतस्थित अन्य ख्यातिप्राप्त कलाकारहरुले पनि प्रत्यक्ष गायन प्रस्तुत गर्ने गायक न्यौपानेले जानकारी दिए ।

न्यौपानेको एल्बममा सागर किनारको संगीत र युरानका शब्द छन् । एल्बममा पश्चिमी, आधुनिक तथा लोक शैलीका ७ गीत संग्रहित छन् । एल्बमको शीर्ष गीतमा भुषण दाहालको निर्देशनमा म्यूजिक भिडियो तयार भइसकेको छ । (प्रोमो तल हेर्नुहोस्)

७ वर्षदेखि बेलायत बस्दै आएका गायक न्यौपाने नेपाल छंदा अध्यापक, रेडियो प्रस्तोता तथा संगीत शिक्षक जस्ता भूमिकामा थिए । अंग्रेजी साहित्यमा स्नातकोत्तर न्यौपानेले वरिष्ठ संगीतकार प्रकाश गुरुङबाट ४ वर्ष संगीत प्रशिक्षण लिएका थिए । विसं. २०५१ मा रेडियो नेपालबाट स्वर परीक्षा उत्तिर्ण गरेका उनको बेलायत आउनुअघि झण्डै एक दर्जन गीत रेकर्ड भइसकेका थिए ।