वासिङ्टन, १ असार । हिलरी क्लिन्टनले अमेरिकामा राष्ट्रपतीय निर्वाचनको प्राइमरीमध्येको राजधानी वासिङ्टन डिसीमा भएको अन्तिम निर्वाचनको परिणाम हात पार्नुभएको छ ।
यस निर्वाचनमा डेमोक्र्याटहरुले शक्तिको प्रतिकात्मक रुपमा यो प्राइमरीलाई लिएका थिए ।
यस प्राइमरीमा कस्ले जित हातपार्छ भन्ने विषय डेमोक्र्याटिकका बीचमा निकै चर्चाको विषय थियो । तर यसमा हिलरीको विजय सान्दार रुपमा भएको बताइएको छ ।
उक्त प्राइमरीमा हिलरीले ७९ प्रतिशत मत ल्याउनुभएको छ । डेमोक्र्याटिकका अर्का उम्मेदवार बर्नी सेन्डरले भने २१ प्रतिशतमात्र मत हात पार्नुभएको छ ।
हिलरीले आफूलाई आवश्यक पर्ने प्रतिनिधिहरुको समर्थन प्राप्त गरिसक्नुभएको बताइएको छ । यसबाट अब उहाँ अब डेमोक्र्याटिकको तर्फबाट राष्ट्रपतीको उम्मेदवार उठ्ने निश्चितजस्तो भएको छ । रासस, एएफपी
