
बग्गीमा चढेर पाँच राजदूतद्वारा राष्ट्रपतिसमक्ष प्रमाणपत्र पेस

राष्ट्रपति विद्यादेवी भण्डारीसमक्ष ओहदाको प्रमाणपत्र पेस गर्दै नेपालका लागि संयुक्त अरव इमिरेट्सका नवनियुक्त राजदूत सइद हमदान मोहमद अल नाक्बी । तस्बिर ः प्रदीपराज वन्त,रासस
काठमाडौँ, २० जेठ । राष्ट्रपति विद्यादेवी भण्डारीसमक्ष नेपालका लागि पाँच मुलुकका राजदूतले आज राष्ट्रपति कार्यालय शीतल निवासमा आयोजित विशेष समारोहमा आआफ्नो ओहदाको प्रमाणपत्र पेस गर्नुभयो ।
नेपालका लागि संयुक्त अरब इमिरेट्सका आवासीय राजदूत सइद हमदान मोहमद अल नाक्बी तथा गैरआवासीय राजदूतहरु अल्जेरियाका हम्जा याहिया चेरिफ, साइप्रसका दिमित्रिओ ए थियोफाइलाक्तोउ, चेकका मिलन होभोर्का र किर्गिज गणतन्त्रका राजदूत सर्मागियुल अदमकुलोभाले प्रमाणपत्र पेस गर्नुभएको हो ।
समारोहमा उपप्रधानमन्त्री तथा परराष्ट्रमन्त्री, प्रधानसेनापति, राष्ट्रपति कार्यालय र परराष्ट्र मन्त्रालयका सचिव लगायत सरकारका उच्च अधिकारीको सहभागिता रहेको राष्ट्रपति कार्यालयले जनाएको छ ।

राष्ट्रपति विद्यादेवी भण्डारीसमक्ष ओहदाको प्रमाणपत्र पेस गर्न नेपालका लागि साइप्रस गणतन्त्रका नवनियुक्त राजदूत दिमित्रिओ ए थियोफाइलाक्तोउलाई बग्गीमा राखेर राष्ट्रपति कार्यालयमा ल्याइँदै । तस्बिर ः प्रदीपराज वन्त,रासस
प्रतिक्रिया

सम्बन्धित सामाग्री
- नयाँ भाइरस तीव्र गतिमा फैलिएपछि लण्डन, पूर्वी र दक्षिण पूर्वी इंग्ल्याण्ड टियर ४ मा
- बेलायत सरकारद्वारा गोरखा भूपू सैनिकका लागि नयाँ पेन्सनको प्रस्तावमाथि सुझाव माग
- कोरोना खोपको पहिलो डोज लिएका पुडासैनीलाई कोरोना संक्रमण
- ‘बेलायतमा वर्क पर्मिट खुल्यो भनेर हल्लाको पछि नलागी बुझेर मात्र आउनुहोस्’ : सोलिसिटर दिपक भट्टराई
- बेलायत र युरोपियन युनियनबीच सहमति