बुधबार, कार्तिक १२ २०७७ | Wed, October 28, 2020
नेपालको समय: २३:५० | UK Time: 18:05

सर्वोच्चद्वारा प्रचण्डलाई तीन दिनभित्र जवाफ माग

वीनेपाली
२०७३ जेठ १२ गते २:२०
तस्विरः इकान्तिपुर

तस्विरः इकान्तिपुर

काठमाडौँ, ११ जेठ । सर्वोच्च अदालतले नेकपा माओवादी केन्द्रका अध्यक्ष पुष्पकमल दाहाल प्रचण्डलाई अदालतको अपहेलनासम्बन्धी मुद्दामा तीन दिनभित्र लिखित जवाफसहित उपस्थित हुन आदेश दिएको छ ।

कामु प्रधानन्यायाधीश सुशीला कार्कीको एकल इजलासले आज अदालतको अपहेलनासम्बन्धी मुद्दामा अध्यक्ष दाहाललाई तीन दिनभित्र अदालतमा आफैँ वा आफ्नो प्रतिनिधिमार्फत लिखित जवाफ पठाउन आदेश दिएको अदालतका सहप्रवक्ता विश्वराज पौडेलले जानकारी दिनुभयो ।

केन्द्रका अध्यक्ष दाहालले केही दिनअघि न्यायालयका बारेमा मानहानि हुने खालको आपत्तिजनक अभिव्यक्ति दिएको आरोप लगाउँदै अधिवक्ता दिनेश त्रिपाठीले सर्वोच्च अदालतमा अदालतको अपहेलनामा कारबाही गर्न माग गर्दै मुद्दा दायर गर्नुभएको थियो ।

मुद्दामा अदालतको गम्भीर अवहेलना गरेको विषयमा एक वर्ष कैद तथा रु १० हजार जरिवानाको मागसमेत गरिएको छ ।

प्रतिक्रिया

सम्बन्धित सामाग्री

फेसबुक