कोलोम्बो, ९ जेठ । श्रीलङ्काको कैयौ जिल्लामा जारी भारी बर्षा र त्यसका कारण आएको बाढी पहिरोमा परी ज्यान गुमाउने व्यक्तिको सङ्ख्या ८२ पुगेको छ ।
श्रीलङ्काली विपद् व्यवस्थान केन्द्रले आइतबार दिएको जानकारीअनुसार यस पहिरोमा परी ८२ को मृत्यु हुनुको साथै पाँच लाख भन्दा बढी व्यक्ति प्रभावित भएका छन् ।
यीमध्ये कैयौँ व्यक्ति घरबारबिहीन भएका छन् । विपद् व्यवस्थापन विभागले उद्वारको कार्य जारी रहेको जनाएको छ ।
श्रीलङ्कामा करिब एक हप्ता अघिबाट भारी वर्षा सुरु भएको त्यसपछिको बाढी पहिरोको कारण ती व्यक्तिहरुले ज्यान गुमाएका हुन ।
श्रीलङ्काको मध्यमा अवस्थित जिल्ला केगाल्ले यस प्रकोपबाट सवभन्दा बढी प्रभावित भएको छ ।त्यसैगरी दोस्रो प्रभावित जिल्ला आरनायके रहेको छ ।
बाढी र पहिरो प्रभावित क्षेत्रमा ठूलो सङ्ख्यामा उद्धारकर्मी खटाइएको छ । उनीहरूले केहीलाई मात्र तत्काल उद्धार गरेका थिए भने, अझै वपनि सयौंँ व्यक्ति बेपत्ता रहेका हुनाले मृतकका संङ्ख्या बढ्नसक्ने समेत अनुमान गरिएको छ ।
सो पहिरो प्रभावित इलाकानजिकै रहेका बासिन्दालाई प्रहरीले अन्यत्रै सुरक्षित इलाकामा सारेको पनि बताइएको छ ।
सरकारले गरेको उद्वारपछि यस पहिरोबाट प्रभावित भएका दुई लाख व्यक्ति अस्थायी शिविरमा बसोबास गर्दै आएका छन् । रासस, सिन्ह्वा