
नेपाली टोलीले जित्यो अन्तर्राष्ट्रिय करातेकोे उपाधि
काठमाडौँ, ८ जेठ । नेपालको वनस्थली डोजोले दोस्रो अन्तर्राष्ट्रिय कराते प्रतियोगिताको उपाधि जितेको छ ।
लैनचौरस्थित राष्ट्रिय टेबलटेनिस प्रशिक्षण केन्द्रमा आज सम्पन्न प्रतियोगितामा वनस्थली आठ स्वर्ण, दुई रजत र समान काँस्य जित्दै ‘टिम च्याम्पियन’ बनेको हो ।
नेपाल सितोरियो कराते डो सङ्घ, शाखा डोजो सामाखुसीद्वारा आयोजित प्रतियोगितामा पाँच स्वर्ण, तीन रजत र २९ काँस्य जितेको भारत दोस्रो भयो ।
त्यस्तै, तेस्रो स्थान हासिल गरेको श्रीलङ्काले समान एक–एक स्वर्ण, रजत र काँस्य हात पारयो । चौथोमा चित्त बुझाएको बङ्गलादेशले एक रजत र दुई काँस्य मात्र प्राप्त गरयो ।
प्रतियोगिताअन्तर्गत पुरुषतर्फ भारतका बङ्गराम टुङ्गी तथा महिलामा नेपालकी मनमैंजु डोजोकी अञ्जली राई उत्कृष्ट खेलाडी घोषित भए ।
त्यस्तै, पुरुषमा नेपालको नवशान्ति डोजोका मनिष खड्का तथा महिलामा भारतकी ललिता उदीयमान खेलाडी चुनिए । नेपालको रोल्पा डोजोले अनुशासित टोलीको उपाधि हात पारयो ।
विजेतालाई सांसद भीमसेनदास प्रधानले एक कार्यक्रमबीच पुरस्कृत गर्नुभयो । दुईदिने प्रतियोगितामा नेपालबाट ३७१, भारतबाट ६२, बङ्गलादेश र श्रीलङ्काबाट समान तीन तथा पाकिस्तानबाट दुई गरी जम्मा ४३२ खेलाडीले २६ स्वर्णका लागि प्रतिस्पर्धा गरेका थिए ।
राई ७५ केजीमा लिटिल एन्जल्सका विपेनराज दोर्जे, ८० केजीमा ठमेलका लक्ष्मण बस्नेत तथा ६५ केजीमा घन्टाघरका रोशन बलामीले पहिलो स्थान हात पारेको रेफ्री संयोजक एवम् आठौँ र नवौँ सागका स्वर्णधारी दीपक श्रेष्ठले जनाएका छन् । प्रतियोगिता आइतबार सम्पन्न हुने छ ।
प्रतिक्रिया

सम्बन्धित सामाग्री
- नयाँ भाइरस तीव्र गतिमा फैलिएपछि लण्डन, पूर्वी र दक्षिण पूर्वी इंग्ल्याण्ड टियर ४ मा
- बेलायत सरकारद्वारा गोरखा भूपू सैनिकका लागि नयाँ पेन्सनको प्रस्तावमाथि सुझाव माग
- कोरोना खोपको पहिलो डोज लिएका पुडासैनीलाई कोरोना संक्रमण
- ‘बेलायतमा वर्क पर्मिट खुल्यो भनेर हल्लाको पछि नलागी बुझेर मात्र आउनुहोस्’ : सोलिसिटर दिपक भट्टराई
- बेलायत र युरोपियन युनियनबीच सहमति