आइतबार, कार्तिक १६ २०७७ | Sun, November 01, 2020
नेपालको समय: ०१:११ | UK Time: 19:26

सङ्घीय गठबन्धनको सिंहदरबार घेराउले यातायात अस्तव्यस्त

वीनेपाली
२०७३ जेठ २ गते १०:३०
संविधानका केही बँुदाप्रति असन्तुष्ट जनाउँदै आन्दोलनरत सङ्घीय गठबन्धनको सिंहदरबार घेराउ कार्यक्रमअन्तर्गत आइतबार सिंहदरबारको हनुमानथानमा धर्नामा बसेका राजेन्द्र महतो, महेन्द्र यादव, राजकिशोर यादवलगायतका नेता तथा कार्यकर्ताहरु । तस्बिर ः नारायण न्यौपाने, रासस

संविधानका केही बँुदाप्रति असन्तुष्ट जनाउँदै आन्दोलनरत सङ्घीय गठबन्धनको सिंहदरबार घेराउ कार्यक्रमअन्तर्गत आइतबार सिंहदरबारको हनुमानथानमा धर्नामा बसेका राजेन्द्र महतो, महेन्द्र यादव, राजकिशोर यादवलगायतका नेता तथा कार्यकर्ताहरु । तस्बिर ः नारायण न्यौपाने, रासस

काठमाडौँ, २ जेठ । संविधानका केही बँुदाप्रति असन्तुष्ट जनाउँदै आन्दोलनरत सङ्घीय गठबन्धनको सिंहदरबार घेराउ कार्यक्रमले राजधानीको यातायात अस्तव्यस्त बनेको छ ।

आज बिहानैदेखि सिंहदरबारको हनुमानथान र माइतीघर मण्डलाम २९ दलीय सङ्घीय गठबन्धनमा आबद्ध दलका नेता कार्यकर्ताको धर्नाले सो क्षेत्रमा यातायात अवरुद्ध बनेको हो ।

सिंहदरबार वरपर बाक्लो सङ्ख्यामा सुरक्षाकर्मी आन्दोलनकारीलाई अघि बढ्न नदिने गरी तयारी अवस्थामा तैनाथ छन् भने आन्दोलनकारीले झन्डासहित नारा लगाइरहेका छन् । धर्नामा गठबन्धनका नेता राजेन्द्र महतो, महेन्द्र यादव, राजकिशोर यादव लगायत सहभागी हुनुहुन्छ ।

सो क्षेत्रमा भएको यातायात अवरुद्धका कारण यात्रु पैदलै गन्तव्यमा जान बाध्य छन् । सिंहदरबार क्षेत्रमा आन्दोलनकारीको धर्नास्थलतर्फ जबर्जस्ती जान खोज्ने सवारीका कारण यातायातका साधन व्यवस्थापन गर्न ट्राफिक प्रहरीलाई हम्मेहम्मे परेको छ ।

सरकारले आन्दोलनकारीलाई आन्दोलन तथा विरोधका कार्यक्रम शान्तिपूर्ण रुपमा गर्न आग्रह गर्दै प्रचलित कानुन विपरीत क्रियाकलापमा संलग्न व्यक्ति र समूहलाई हदैसम्मको कारबाही हुने जनाएको छ ।

विसं २०७२ असोज ३ गते संविधानसभाबाट संविधान जारी भएपछि प्रदेश सीमाङ्कनको विषयलाई लिएर असन्तुष्ट मधेसकेन्द्रित दलले सुरुमा नेपाल भारत सिमानामा आन्दोलन गरेका थिए । सिमानाको आन्दोलनले अत्यावश्यक वस्तुको आपूर्तिमा असहज भई जनताको दैनिकीमा कठिनाइ भएको बताई गठबन्धनले सिंहदरबारकेन्द्रित आन्दोलन गरेको जनाएको छ ।

यसअघि गठबन्धनले शनिबार राजधानीको ठमेलमा आमसभा गरेको थियो ।

प्रतिक्रिया

सम्बन्धित सामाग्री

फेसबुक