पुष्पकमल दाहाल, तस्विरः इकान्तिपुर
काठमाडौँ, २३ वैशाख । नेपाली काँग्रेसका सभापति शेरबहादुर देउवा र एकीकृत नेकपा (माओवादी)का अध्यक्ष पुष्पकमल दाहालबीच पछिल्लो राजनीतिक घटनाक्रमबारे आज छलफल भएको छ ।
एमाओवादी अध्यक्ष दाहालको निवास लाजिम्पाटमा भएको छलफलमा राष्ट्रिय सहमतिको सरकार गठन, संविधान कार्यान्वयनलगायतका विषयमा छलफल भएको हो ।
एमाओवादीले आफ्नै नेतृत्वमा राष्ट्रिय सहमतिको सरकार गठन गर्ने निर्णय सार्वजनिक गरिरहेको बेला काँग्रेस सभापति देउवा र एमाओवादी अध्यक्ष दाहालबीच भेटवार्ता भएको हो ।
छलफलमा मुलुकमा पछिल्लो दिनमा विकसित राजनीतिक घटनाक्रमबारे नै छलफल भएको अध्यक्ष दाहालको सचिवालयले जनाएको छ ।
यस्तै एमाओवादी अध्यक्ष दाहाल र नेकपा (एमाले)का उपाध्यक्ष वामदेव गौतमबीच पनि आजै समसामयिक विषयमा छलफल भएको छ ।
