महालेखापरीक्षकको ५३औँ वार्षिक प्रतिवेदनमा हस्ताक्षर गर्नुहुँदै राष्ट्रपति विद्यादेवी भण्डारी । तस्बिर ः रत्न श्रेष्ठ, रासस
काठमाडौँ, २९ चैत । राष्ट्रपति विद्यादेवी भण्डारी समक्ष महालेखापरीक्षक भानुप्रसाद आचार्यले आज अपराह्न राष्ट्रपति कार्यालयमा महालेखापरीक्षकको ५३औँ वार्षिक प्रतिवेदन प्रस्तुत गर्नुभएको छ ।
नेपालको संविधानको धारा २९४ अनुसार सबै सरकारी कार्यालय, नेपाल सरकारको पूर्ण स्वामित्वका सङ्गठित संस्था, बोर्ड, परिषद्, समिति तथा जिविसको आव २०७१, ७२ को आर्थिक कारोबारको लेखा परीक्षण प्रतिवेदन प्रस्तुत गरिएको हो ।
लेखापरीक्षणका माध्यमबाट सार्वजनिक वित्तीय व्यवहार सञ्चालनमा जिम्मेवारी तथा जवाफदेहिता पालना सम्बन्धमा प्राप्त नतिजा तथा तिनको समालोचना एवम् सुझाव प्रतिवेदनमा समेटिएका छन् ।
