शुक्रबार, साउन १५ २०७८ | Fri, July 30, 2021
नेपालको समय: २०:२५ | UK Time: 15:40

यमन र सिरियामा युद्ध अन्त्यका लागि सहयोग गर्न केरीको आग्रह

वीनेपाली
२०७२ चैत २५ गते २२:०१
तस्विरः एपी

तस्विरः एपी

मानामा, २५ चैत । सिरिया र यमनमा जारी रहेको युद्धको अन्त्यका लागि अमेरिकी विदेशमन्त्री जोन केरीले इरानलाई आग्रह गर्नुभएको छ ।

बहराइनको भ्रमणका क्रममा विदेशमन्त्री केरीले इरानलाई सो आग्रह गर्नुभएको हो । उहाँले अमेरिकी विदेशमन्त्रीको हैसियतमा गएको सन् २०१० पछि पहिलो पटक बहराइनको भ्रमण गर्नुभएको हो ।

उहाँले भन्नुभयो– कतिपय अरेबियाली देशहरूमा हाल जारी रहेको द्वन्द्वको अन्त्यका लागि अब हामीलाई इरानले सहयोग गर्नुपर्छ । हामीले इरानको सहयोगको अपेक्षा गरेका छौँ ।

मानामामा पत्रकार सम्मेलनमा बोल्दै उहाँले भन्नुभयो– अब इरान विश्व समुदायको एक रचनात्मक सदस्य राष्ट्रका रूपमा रहनुपर्छ र उसले पनि विश्वमा शान्ति र स्थायित्वका लागि सघाउनुपर्छ ।

सिरियमा पछिल्लो समयमा अमेरिका र रसियाका कारण युद्धविराम भएको छ । यस क्रममा कुनै हिंसात्मक घटना नभएको भए पनि करिब महिना दिनदेखि सुरु भएको यस पहलपछि पनि शान्तिवार्ताको प्रक्रिया भने सार्थक रूपमा सुरु हुन सकिरहेको छैन ।

यमनमा गत वर्षदेखि पुनः हिंसा भड्किएको छ । हुथी विद्रोहीहरूले त्यहाँ हिंसा सुरु गरेको बताइएको छ । जसका कारण त्यहाँको अवस्था पनि निकै नाजुक बन्दै गएको छ ।

प्रतिक्रिया

सम्बन्धित सामाग्री

फेसबुक