
फ्रिडम परेडमा गोर्खाहरु
लन्डन । रसमुर बरोको स्वतन्त्रता प्राप्तिका अवसरमा गोर्खाहरुले मार्च पास गरेका छन् । टेन क्यूओजिएलआर सम्वद्ध करिब एकसय ५० गोर्खाले गत सप्ताहन्त अल्डरसटको प्रिन्सेस हल हुंदै ह्याम्पसायर क्षेत्रमा मार्च पास गरेका हुन् ।
ब्रिगेड अफ गोर्खाज् ब्याण्डको नेतृत्वमा ग्रोस्भेनर रोड, भिक्टोरिया रोड, स्टेशन रोड, हाइ स्ट्रिट, प्रिन्सेस वेमा परेड भएको थियो ।
उक्त अवसरमा रेजिमेन्टल पाइप्स् र ड्रम्स् बजाइएको थियो ।
फ्रिडम स्क्रोल प्रस्तुत गर्दै रसमुर काउन्सिलका मेयर मार्टिन टिनेन्टले गोर्खाहरुसंगको लामो इतिहासले रसमुर सांच्चिकै गौरवान्वित भएको बताए । गोर्खाहरुले ब्रिटिश आर्मी र स्थानीय समुदायलाई भयानक विशिष्ठता दिएर सेवा गरिरहेको पनि मार्टिनले उल्लेख गरे ।
गत वर्ष जुलाईमा भएको काउन्सिलरहरुको विशेष बैठकले गोर्खाहरुको बहादुरी र साहसको कदर गर्दै सम्मान स्वरुप स्वतन्त्रता दिने निर्णय सर्वसम्मत पारित गरेको थियो ।
प्रतिक्रिया

सम्बन्धित सामाग्री
- नयाँ भाइरस तीव्र गतिमा फैलिएपछि लण्डन, पूर्वी र दक्षिण पूर्वी इंग्ल्याण्ड टियर ४ मा
- बेलायत सरकारद्वारा गोरखा भूपू सैनिकका लागि नयाँ पेन्सनको प्रस्तावमाथि सुझाव माग
- कोरोना खोपको पहिलो डोज लिएका पुडासैनीलाई कोरोना संक्रमण
- ‘बेलायतमा वर्क पर्मिट खुल्यो भनेर हल्लाको पछि नलागी बुझेर मात्र आउनुहोस्’ : सोलिसिटर दिपक भट्टराई
- बेलायत र युरोपियन युनियनबीच सहमति