मंगलबार, कार्तिक ११ २०७७ | Tue, October 27, 2020
नेपालको समय: २१:०३ | UK Time: 15:18

लन्डन आइपुगे पत्रकारका नेता

वीनेपाली
२०७२ फागुन २१ गते ८:१७

12823147_942598559170594_276294616_o
लन्डन । नेपाल पत्रकार महासंघ, बेलायत शाखाको ६ मार्च आइतबार हुने अधिवेशनमा आतिथ्य जनाउन नेपालबाट पत्रकारका नेताहरु लन्डन उत्रिएका छन् । नेपाल पत्रकार महासंघका केन्द्रिय अध्यक्ष डा. महेन्द्र विष्ट, कोषाध्यक्ष सूर्यमणि गौतम र सञ्चारमन्त्रीका प्रेस सल्लाहकार मात्रिका पौडेल शुक्रबार बिहान हिथ्रो टर्मिनल फोरमा ओर्लिएका हुन् । उपाध्यक्ष अनिता बिन्दु आजै सांझ लन्डन आइपुग्नेछिन् भने महासचिव उजिर मगर गत सातादेखि बेलायतमै छन् ।

उनीहरुको स्वागत गर्न नेपाल पत्रकार महासंघ, बेलायत शाखाका वरिष्ठ उपाध्यक्ष नरेश खपांगीमगर, उपाध्यक्ष धर्मराज अधिकारी, सचिव लिलामान शेरपुन्जा, पत्रकारहरु ध्रुवराज अर्याल र विमला सेने विमानस्थल पुगेका थिए । साथमा मिसन टु हेल्प नेपालकी अध्यक्ष बबी लामा पनि थिइन् ।

बेलायतका पत्रकारहरु चुनावी मैदानमा उत्रिइसकेका छन् । अध्यक्षमा नरेश खपांगीमगर निर्विरोध भइसकेपनि वरिष्ठ उपाध्यक्षमा धर्मराज अधिकारी र श्याम लुईंटेल, उपाध्यक्षमा ध्रुवराज अर्याल र मिलन वाग्ले एवं महासचिवमा लिलामान शेरपुन्जा र नारायण गाउंले भिड्ने भएका छन् ।

यसअघि कोषाध्यक्षमा पूर्ण गुरुङ, सहकोषाध्यक्षमा रोशन राई र सचिवमा शिव भण्डारी निर्विरोध भइसकेका छन् ।

प्रतिक्रिया

सम्बन्धित सामाग्री

फेसबुक