भक्तपुर, २५ असोज । प्रधानमन्त्री केपी शर्मा ओलीलाई नेपालका लागि भारतीय राजदूत रञ्जित रेले बधाई एवम् शुभकामना दिनुभएको छ ।
आज बिहान भक्तपुरको बालकोटस्थित प्रधानमन्त्री ओली निवासमा पुगेर रेले बधाई दिनुभएको हो ।
प्रधानमन्त्री ओली र राजदूत रेबीच भएको भेटघाटमा दुई देशको मित्रता र सम्बन्ध अझै प्रगाढ बनाउने तथा नेपाल–भारत नाकामा भएको अवरोध हटाएर नाका सहज बनाउने विषयमा कुराकानी भएको बताइएको छ ।
आज बिहानदेखि नै उहाँको निवासमा बधाई दिनेको ओइरो लागेको छ । अघिल्लो सरकारका सामान्य प्रशासन मन्त्री लालबाबु पण्डितलगायत पत्रकार, विभिन्न सङ्घ सङ्गठनका प्रतिनिधि, उद्योगी, व्यापारी, नेता र कार्यकर्ताले बालकोटमा पुगेर प्रधानमन्त्री ओलीलाई बधाई ज्ञापन गर्नु भएको छ ।
