ओली नेपालका ३८ औं प्रधानमन्त्री

काठमाण्डौं । नेकपा एमाले संसदीय दलका नेता के पी शर्मा ओली नेपालको ३८ औं प्रधानमन्त्री निर्वाचित भएका छन् । आइतबार संसदमा भएको मतदानमा ओलीले ३३८ मत ल्याइ प्रधानमन्त्रीका अर्का प्रत्यासी सुशिल कोइरालालाई पराजित गरेका हुन् ।

कुल ५८७ मत खसेकामा कांग्रेस सभापति एवं पूर्व प्रधानमन्त्री कोइरालाले जम्मा २४९ मत ल्याए ।

ओली प्रधानमन्त्री निवार्चित भएको घोषणा गर्दै सभामुख सुवास नेम्वांगले आफ्नो व्यक्तिगत र व्यवस्थापिका संसदको तर्फबाट बधाइ दिएका छन् ।

ओलीलाई एकीकृत नेकपा(माओवादी) र राप्रपा नेपालसहित साना दलले मतदान गरेका थिए ।

एकीकृत नेकपा(माओवादी)का अध्यक्ष पुष्पकमल दाहाल ओलीको प्रस्तावक थिए । राष्ट्रिय प्रजातन्त्र पार्टी नेपालका अध्यक्ष कमल थापासहित केही साना दलको सर्मथनमा एमाले अध्यक्ष ओलीले सरकार नेतृत्वको सौभाग्य पाएका छन् ।