काठमाडौँ, २४ असोज । डा बाबुराम भट्टराईले संसद् पदबाट दिएको राजीनामा स्वीकृत भएको छ ।

गोरखा क्षेत्र नम्बर १ बाट एकीकृत नेकपा (माओवादी)का तर्फबाट निर्वाचित डा भट्टराईको आज व्यवस्थापिका–संसद् सचिवालयमा राजीनामा पत्र स्वीकृत भएको हो ।

राजीनामा पत्र सभामुख सुवास नेम्वाङले आज स्वीकृत गरेको व्यवस्थापिका–संसद् सचिवालयका सहायक प्रवक्ता सुदर्शन कुँइकेलले जानकारी दिए ।

यही असोज ९ गते राजीनामा दिनुभएको डा भट्टराईको राजीनामा आज स्वीकृत भएको हो । संसद् सचिवालयमा आफँै उपस्थित भएर डा भट्टराईले राजीनामा पत्र स्वीकृतिका लागि सनाखत गरेका थिए । उनको राजीनामा स्वीकृतसँगै सदनमा सांसदको सङ्ख्या ५९७ कायम भएको छ ।