शुक्रबार, असोज ९ २०७७ | Fri, September 25, 2020
नेपालको समय: ०२:५५ | UK Time: 22:10

प्रधानमन्त्री कोइरालासँग राजदूत उपाध्यायको भेटवार्ता

वीनेपाली
२०७२ असोज ८ गते २३:२१
प्रधानमन्त्री कोइराला

प्रधानमन्त्री कोइराला

काठमाडौँ, ८ असोज । प्रधानमन्त्री सुशील कोइरालालाई भारतका लागि नेपाली राजदूत दीपकुमार उपाध्यायले मुलुकको पछिल्लो राजनीतिक अवस्था र भारतीय उच्च अधिकारीसँग भएको छलफलका विषयमा जानकारी गराएका छन् ।

सङ्घीय प्रदेशको सीमा निर्धारण र संविधानसभाबाट संविधान जारी भएसँगै तराई मधेसमा जारी आन्दोलन र त्यसको प्रभावबारे नयाँ दिल्लीमा भएका छलफलका विषयमा राजदूत उपाध्यायले प्रधानमन्त्री कोइरालालाई अवगत गराएका हुन् ।

नयाँ दिल्लीबाट आजै काठमाडौँ आएका राजदूत उपाध्यायले तराई–मधेसमा जारी आन्दोलनका विषयमा बाहिर आएका टीकाटिप्पणीका विषयमा पनि प्रधानमन्त्री कोइरालालाई स्पष्ट पारेको राससलाई जानकारी दिए ।

राजदूत उपाध्यायले आजै राष्ट्रपति डा रामवरण यादवलगायत प्रमुख दलका शीर्ष नेतासँग पनि भेटवार्ता गरे । प्रदेश सीमाङ्कनका विषयलाई लिएर विगत ४१ दिनदेखि तराई मधेसमा आन्दोलन भइरहेको छ ।

उक्त आन्दोलनका कारण नेपाल प्रवेश गर्ने हजारौँ मालबाहक ट्रकहरू नेपाल–भारत सीमामा अलपत्र परेका छन् ।

प्रतिक्रिया

सम्बन्धित सामाग्री

फेसबुक