
भारतले महोत्तरीका तीन भारतीय नाका ठप्प पार्यो
गौशाला, ५ असोज । भारतले आज बिहानदेखि महोत्तरी जिल्लाको तीनवटा सीमा नाकामा यातायात ठप्प गरेको छ ।
महोत्तरीको मुख्य भन्सार नाका भिठ्ठामोड, मटिहानी र सम्सीबाट भारत आवतजावत गर्ने सम्पूर्ण सवारी तथा मालबाहक गाडीलाई भारत बिहारको सीमा सुरक्षा बल (एसएसबी) ले आज बिहानदेखि रोक लगाएको छ ।
भारतले मोटरसाइकल, साइकल, जिपलगायतका कुनै पनि साधन नेपालबाट भारत जान दिएको छैन । पैदल यात्रीलाई समेत निकै सोधपुछ गरेर अत्यावश्यक काम परेकालाई मात्रै भारत जान दिने गरिएको छ ।
यसका साथै महोत्तरीका विभिन्न गाउँठाउँबाट दैनिक उपभोगका सरसामान खरिद गर्न सीमापारिका बजारमा गएकालाई भारतको सीमामा खटिएका सीमा सुरक्षा बलले हातहातमा स–साना झोलामात्र ल्याउन दिएका छन् भने ठूलो पोकामा कुनै पनि सामान ल्याउन रोक लगाएका छन् ।
भारतले आफ्नो देशमा चुनाव हुने भएको र त्यसमा नेपालतर्फबाट केही अवाञ्छित गतिविधि हुन सक्ने भन्दै महोत्तरीका तीनवटा सीमा नाकामा आजैदेखि सबै यातायातका साधन प्रवेशमा रोक लगाएको जनाएको छ ।
प्रतिक्रिया

सम्बन्धित सामाग्री
- सोमबारदेखि बेलायत छोड्न फाराम भर्नुपर्ने, २०० पाउण्ड जरिवाना हुनसक्ने
- गोरखा भूपू सैनिकको समस्याबारे प्राविधिक समितिको प्रतिवेदनमाथि बेलायतले नेपालसित वार्ता नगर्ने
- गोरखाहरुलाई अति माया गर्ने ब्रायन स्टालेको निधन
- ‘गोरखा सैनिकहरुलाई बेलायतको भिसा–नागरिकतावापत लिइने शुल्क खारेज हुनुपर्छ’
- कारोना संक्रमणका कारण प्रवासमा मृत्यु भएकाको शव नेपाल लैजाने पाइने