मंगलबार, असोज १३ २०७७ | Tue, September 29, 2020
नेपालको समय: २०:२२ | UK Time: 15:37

५३७ सभासद्ले गरे नयां संविधानमा हस्ताक्षर

वीनेपाली
२०७२ असोज १ गते ११:४७
संविधानसभा भवन नयाँ बानेश्वरमा सभाबाट पारित संविधानमा हस्ताक्षरका क्रममा पूर्व प्रधानमन्त्री एवम्् नेकपा (एमाले) का नेताहरु । तस्बिर ः रोशन सापकोटा, रासस

संविधानसभा भवन नयाँ बानेश्वरमा सभाबाट पारित संविधानमा हस्ताक्षरका क्रममा पूर्व प्रधानमन्त्री एवम्् नेकपा (एमाले) का नेताहरु । तस्बिर ः रोशन सापकोटा, रासस

काठमाडौँ, १ असोज । संविधानसभाका ५३७ सभासद्ले नेपालको संविधान, २०७२ मा हस्ताक्षर गर्नुभएको छ ।

आज बिहान ९ बजेदेखि दिउँसो ३ बजेसम्म पारित संविधानको प्रतिमा हस्ताक्षरका लागि समय तोकिएकामा संविधानसभामा हाल कायम ५९८ सभासद्मध्ये ५३७ जनाले हस्ताक्षर गर्नुभएको संसद् सचिवालयका प्रवक्ता डा भरतराज गौतमले जानकारी दिनुभयो ।

गत भदौ ३० गते संविधानको विधेयकमा मतदान हुँदा कुल ५३२ सभासद् सहभागी हुनुभएकामा ५०७ ले पक्षमा र २५ सभासद्ले विपक्षमा मतदान गर्नुभएको थियो । मतदानमा अनुपस्थित केही र विपक्षी राप्रपा नेपालका सभासद्सहितको हस्ताक्षरका कारण सङ्ख्या बढेको हो ।

मतदानमा अनुपस्थित विश्वेन्द्र पासवान, लक्ष्मण राजवंशी, राज्यलक्ष्मी गोल्छा, मेघराज नेपाली (निषाद) पनि हस्ताक्षर गर्ने कार्यमा सहभागी हुनुभयो ।

प्रतिक्रिया

सम्बन्धित सामाग्री

फेसबुक