संविधानसभा अध्यक्ष सुवास नेम्वाङ
काठमाडौँ, ३० भदौ । संविधानसभाका अध्यक्ष सुवास नेम्वाङले नेपालको संविधानको परिमार्जित विधेयकको सम्पूर्ण धारा, अनुसूची, प्रस्तावना, संक्षिप्त नाम र प्रारम्भ विधेयकको अङ्ग बनेको घोषणा गर्नुभएको छ ।
संविधानसभाको आजको बैठकमा अध्यक्ष नेम्वाङले नेपालको संविधानको परिमार्जित विधेककको प्रस्तावना, संक्षिप्त नाम र प्रारम्भलाई विधेयकको अङ्ग बनोस् भनेर राख्नुभएकामा बैठकले त्यसलाई पारित गरेको हो ।
उहाँले संविधानको नाम ‘नेपालको संविधान २०७२’ रहने जानकारी दिनुभयो । यो संविधान २०७२ असोज महिनाको ३ गतेदेखि प्रारम्भ हुने उहाँले बताउनुभयो । त्यसपछि अध्यक्ष नेम्वाङले संविधानसभाको बैठक आधा घन्टाका लागि स्थगन गर्नुभएको थियो ।
