
भारतमा आतङ्ककारी हमलाका १२ दोषी
नयाँ दिल्ली, २५ भदौ । भारतमा सन् २००६ मा भएको एक आतङ्ककारी हमलाका लागि यहाँको अदालतले १२ जनालाई दोषी ठहर गरेको समाचार छ ।
मुम्बईमा सन् २००६ मा भएको आतङ्ककारी हमलामा परी कम्तीमा पनि १९० जनाको ज्यान गएको थियो ।
भारतीय आर्थिक राजधानी मानिएको मुम्बई सहरमा रेलमा बम आक्रमण गरी सर्वसाधारणको ज्यान लिएका थिए ।
साँझको समयमा गरिएको सो हमलामा परी अरु ८०० जना नराम्ररी घाइते भएका थिए । शृङ्खलाबद्ध रुपमा बम हमला भएको थियो ।
सो मुद्दामा नौ वर्षको अनुसन्धानपछि शुक्रबार नयाँ दिल्लीको एक अदालतले सो सजाय सुनाएको हो ।
उनीहरुलाई दिइने दण्डको बारेमा भने सोमबार निर्णय हुनेछ । सोमबार ती अभियुक्तलाई दण्ड जरिवना सुनाइने बताइएको छ ।
यसअघि प्रहरीले आतङ्ककारीको आरोपमा ३० जनालाई पक्राउ गरी अनुसन्धान सुरु गरेको थियो । ती मध्ये १३ जना पाकिस्तानी नागरिक पनि थिए ।
तिनै मध्येका १२ जनालाई अदालतले दोषी ठहर गरेको समाचारमा जनाइएको छ । दोषीमध्येका तीन जनालाई पक्राउ गर्न सकिएको छैन ।
झोलामा राखिएका बम पत्रिकाले छोपेर रेलको सिटमुनि राखिएको थियो । तिनै झोला पड्किदा उक्त रेलमा रहेका १९० जनाको ज्यान गएको थियो भने ८०० जनाजति घाइते भएका थिए ।
प्रतिक्रिया

सम्बन्धित सामाग्री
- नयाँ भाइरस तीव्र गतिमा फैलिएपछि लण्डन, पूर्वी र दक्षिण पूर्वी इंग्ल्याण्ड टियर ४ मा
- बेलायतमा काम गर्न चाहने विदेशी नागरिकका लागि मङ्गलबारदेखि भिसा आवेदन खुला
- बेलायत सरकारद्वारा गोरखा भूपू सैनिकका लागि नयाँ पेन्सनको प्रस्तावमाथि सुझाव माग
- कोरोना खोपको पहिलो डोज लिएका पुडासैनीलाई कोरोना संक्रमण
- ‘बेलायतमा वर्क पर्मिट खुल्यो भनेर हल्लाको पछि नलागी बुझेर मात्र आउनुहोस्’ : सोलिसिटर दिपक भट्टराई