शनिबार, असोज ३ २०७७ | Sat, September 19, 2020
नेपालको समय: ०१:०६ | UK Time: 20:21

जांदाजांदै अमेरिकी राजदूतले कोइरालालाई यसो भने

वीनेपाली
२०७२ भदौ २५ गते ०:५८
1441898810143_ROs-KTM-PM-Koirala  and rajdut piter

प्रधानमन्त्री सुशील कोइरालासँग नेपालका लागि संयुक्त राज्य अमेरिकाका राजदूत पिटर डब्लु बोडेले आज बिदाई भेट गर्नुभयो । तस्बिरः रोशन सापकोटा, रासस

काठमाडौँ, २४ भदौ । प्रधानमन्त्री सुशील कोइरालासँग नेपालका लागि संयुक्त राज्य अमेरिकाका राजदूत पिटर डब्लु बोडेले बिहीबार बिदाई भेट गरेका छन् ।

भेटमा राजदूत बोडेले संयुक्त राष्ट्रसङ्घ महासभाको समयमा अमेरिकी राष्ट्रपति बाराक ओबामाले आयोजना गर्नुहुने शान्ति सेना पठाउने प्रमुख राष्ट्रहरुको बैठकमा प्रधानमन्त्री कोइरालालाई विशेष निमन्त्रणा दिएका छन् ।

राजदूत बोडेले राष्ट्रपति ओबामाका तर्फबाट विश्वमा शान्ति कायम राख्न नेपालले शान्ति सेना पठाएर गरेको सहयोगको प्रशंसासमेत गरेको प्रधानमन्त्रीका परराष्ट्र सल्लाहकार डा दिनेश भट्टराईले राससलाई जानकारी दिए ।

सो भेटमा प्रधानमन्त्री कोइरालाले अमेरिकाले नेपालमा रहेका भुटानी शरणार्थीको व्यवस्थापनमा गरेको सहयोगका लागि धन्यवाद दिंदै थप सहयोगको अपेक्षा गरेका थिए । साथै उनीहरुबीच नेपाल–अमेरिका सम्बन्धका साथै संविधान निर्माण प्रक्रियाका बारेमा पनि कुराकानी भएको परराष्ट्र सल्लाहकार भट्टराईले बताए ।

आफ्नो कार्यकाल सम्पन्न गरी स्वदेश फर्किन लागेका राजदूत बोडेले प्रधानमन्त्री कोइरालालाई समयमै संविधान जारी गर्न शुभकामना दिएका छन् । राजदूत बोडेले भूकम्पपछिको पुनःनिर्माणको थालनी छिट्टै होस् भन्ने कामना गर्नुहुँदै अमेरिकाले सहयोग गर्ने बताएका थिए ।

 

प्रतिक्रिया

सम्बन्धित सामाग्री

फेसबुक