राजविराज, २३ भदौ । सप्तरीको भारदहमा प्रहरीको गोली लागी एक आन्दोलनकारीको मृत्यु भएको छ ।

आज विहान मालबाहक सवारी साधन स्कर्टिङ गरी गन्तव्यतर्फ लैजाने क्रममा आन्दोलनकारीले अवरोध गर्दा प्रहरीको गोली लागी पोतरवा–२ का ६० वर्षीय रामकृष्ण राउतको मृत्यु भएको हो ।

आन्दोलनकारीले सडकमा रुख ढालेपछि पूर्वपश्चिम राजमार्ग खुलाउन ठूलो सङ्ख्यामा प्रहरी परिचालन गरिएको थियो । यस क्रममा आन्दोलनकारी र प्रहरीवीच झडप भएको र प्रहरीले दर्जनौँ सेल अश्रुग्यास र रबरका गोली प्रहार गरेको थियो ।

भारदहमा अहिले पनि झडप जारी छ ।