सोमबार, असोज ५ २०७७ | Mon, September 21, 2020
नेपालको समय: ०५:३४ | UK Time: 00:49

विश्वकै होचा डाँगीको निधन

वीनेपाली
२०७२ भदौ १८ गते १६:११

1441378654061_Rss-Chandra B Dangi-2

काठमाडौँ, १८ भदौ । विश्वकै होचा व्यक्तिका रुपमा गिनिज बुक अफ दि वल्र्ड रेकर्डसमा नाम लेखाउन सफल नेपालका चन्द्रबहादुर डाँगीको आज निधन भएको छ ।

पचहत्तर वर्षीय डाँगीको निमोनियाका कारण अमेरिकन समोआको पागोपागोस्थित ल्यान्डन बी जोहन्सन ट्रपिकल मेडिकल सेन्टरमा नेपाली समयअनुसार मध्याह्न १२ बजेतिर निधन भएको बताइएको छ । उनी मनोरञ्जनात्मक कार्यक्रममा सहभागी हुन पाँच महिनाअघि त्यसतर्फ गएका थिए ।

उनका सहयोगी थानेश्वर गुरागाईँका अनुसार डाँगीका साथमा रहेका उनका भतिजा दोलखले हजुरबुवाको उपचारका क्रममा निधन भएको पुष्टि गरेका छन् ।

डाँगीको जन्म विसं १९९६ मङ्सिर १५ गतेसल्यानको रामपुरस्थित कालीमाटीमा भएको थियो । हाल उनको स्थायी बसोबास दाङको पुरनधारास्थित रिमखोलीमा छ ।

चौध किलो तौल भएका डाँगीको उचाइ २१ दशमलव ५ इन्च रहेको थियो । उनी अविवाहित थिए । डाँगीले विसं २०६८ फागुन १४ गते विश्वकै होचा व्यक्तिको प्रमाणपत्र प्राप्त गरेका थिए ।

प्रतिक्रिया

सम्बन्धित सामाग्री

फेसबुक