बुधबार, असोज ७ २०७७ | Wed, September 23, 2020
नेपालको समय: ०३:२३ | UK Time: 22:38

गोली खरिदसँग सम्बन्धित कागजात उपलब्ध गराउन निर्देशन

वीनेपाली
२०७२ भदौ १६ गते ११:२९

काठमाडौँ, १६ भदौ । सार्वजनिक लेखा समितिले गोली खरिदलगायतका विषयमा उठेका प्रश्नबारे सात दिनभित्र जानकारी उपलब्ध गराउन सशस्त्र प्रहरीलाई निर्देशन दिएको छ ।

समितिको आज बसेको बैठकले गोली तथा अन्य सामग्रीका खरिद गर्दा अपनाइएका प्रक्रियाका विषयमा थप जानकारी लिनुपर्ने निष्कर्षसहित सम्बन्धित कागजात माग गर्ने निर्णय गरेको हो ।

समितिका सभापति जनार्दन शर्माले सशस्त्र प्रहरी बलले गोली तथा बख्तरबन्द गाडीको खरिदसँग सम्बन्धित कागजात मगाउने निर्णय गरिएको जानकारी दिनुभयो ।

समितिको बैठकले रिचार्जकार्डको खरिदका लागि गरिएको बोलपत्रको विषयमा उठेका प्रश्नको जवाफ दिन दूरसञ्चार कम्पनीका महाप्रबन्धकलाई छलफलका लागि शुक्रबारको बैठकमा उपस्थित हुन निर्देशन दिएको छ ।

त्यसैगरी समितिले लेखा समितिअन्तर्गतको विद्युत् खरिद सम्झौतासम्बन्धी उपसमितिले तयार गरेको प्रतिवेदन सात दिनभित्र उपलब्ध गराउन निर्देशन दिइएको छ ।

सो बैठकले समितिको चालु आवका कार्ययोजनासमेत आजै पारित गरेको छ । नीतिगत भ्रष्टाचार र आर्थिक अनियमितता सम्बन्धमा, अख्तियार, महालेखा परीक्षक, राष्ट्रिय सतर्कता केन्द्र तथा भ्रष्टाचार विरोधी निकायसँग अन्तक्र्रिया गर्ने समितिले कार्ययोजना बनाएको छ ।

पुँजीगत खर्च, राष्ट्रिय गौरवका आयोजना र समितिका निर्देशन कार्यान्वयनका सम्बन्धमा छलफल गर्ने समितिको कार्य योजनामा छ ।

प्रतिक्रिया

सम्बन्धित सामाग्री

फेसबुक