बुधबार, असोज ७ २०७७ | Wed, September 23, 2020
नेपालको समय: ०४:०१ | UK Time: 23:16

आन्दोलनकारीले प्रहरी बिट जलाए

वीनेपाली
२०७२ भदौ १६ गते ११:२१

गौशाला, १६ भदौ । बिहानैदेखि नारा जुलुस र प्रहरीमाथि ढुङ्गामुढा गर्दै आन्दोलन चर्काउँदै गएका महोत्तरीका आन्दोलनकारीले आज दिउँसो सदरमुकाम जलेश्वरको जिरोमाइलमा अवस्थित प्रहरी बिटमा आगजनी गरेका छन् ।

पचास बढी सङ्ख्यामा गएका आन्दोलनकारीले जलेश्वरको वडा नं ४ स्थित जिरोमाइलमा रहेको नेपाल प्रहरीको बिटलाई पल्टाउँदै बिटमा आगजनी गरी ध्वस्त बनाएका छन् ।

चारैतिरबाट काठ र माथिबाट जस्तापाताले बनाइएको प्रहरी बिटमा आन्दोलनकारीले पेट्रोल छर्कदैँ आगजनी गरी नष्ट बनाएका हुन् ।

साथै सो बिटमा सुरक्षार्थ खटिएका प्रहरीमाथि ढुङ्गामुढा गर्दै प्रहरीलाई धपाएको समेत आन्दोलनकारीले जनाएका छन् ।

यता प्रहरी उपरीक्षक सौरभ राणाले प्रहरी बिट खाली रहेका बेला आन्दोलनकारीले बिटमा आगजनी गरेको बताउनुभयो ।

विगत १९ दिनदेखि चर्किदै गएको आन्दोलनले महोत्तरीमा मङ्गलबारदेखि उग्ररुप लिएको छ भने अहिले सदरमुकाम जलेश्वरको अवस्था तनाबग्रस्त बनेको छ ।

प्रतिक्रिया

सम्बन्धित सामाग्री

फेसबुक