आइतबार, चैत २९ २०७७ | Sun, April 11, 2021
नेपालको समय: ०१:२४ | UK Time: 20:39

उपत्यकामा आजदेखि गाईजात्रा पर्व सुरु

वीनेपाली
२०७२ भदौ १३ गते ११:०६
गाईजात्रा पर्वको अवसरमा एक वर्ष अघि देखि मृत्यु भएका आफन्तको सम्झनामा गाई सिंगारी सहर परिक्रमा गराउने क्रममा वसन्तपुर दरवार स्वायरमा आएका वालकहरुलाई विभिन्न खाने कुरा पैसा आदि दिदै एक महिला । तस्बिर ः प्रदीपराज वन्त,रासस

गाईजात्रा पर्वको अवसरमा एक वर्ष अघि देखि मृत्यु भएका आफन्तको सम्झनामा गाई सिंगारी सहर परिक्रमा गराउने क्रममा वसन्तपुर दरवार स्वायरमा आएका वालकहरुलाई विभिन्न खाने कुरा पैसा आदि दिदै एक महिला । तस्बिर ः प्रदीपराज वन्त,रासस

काठमाडाँै, १३ भदौ । काठमाडौँ उपत्यकामा आजदेखि गाईजात्रा पर्व सुरु भएको छ । गाईजात्राको पहिलो दिन आज बिहानदेखि काठमाडौँको हनुमानढोकामा गाईलाई सिँगारी बजार परिक्रमा गर्नेको भीड लागेको थियो ।
काठमाडौँका राजा प्रताप मल्लले सुरु गरेको यो जात्रामा एक वर्षभरि मृत्यु भएका आफन्तजनको सम्झनामा केटाकेटी र गाईलाई सिँगारी काठमाडौँको सहर घुमाइने गरिन्छ ।
मल्ल राजाको राजदरबार हनुमानढोकादेखि सुरु गरिने यो जात्रामा सहभागीहरु कुमारीको रथ तान्ने मार्ग भएर घुम्ने गर्छन् ।
काठमाडौँका ठाउँठाउँमा बाटामा उभिएका मृतकका आफन्तजन तथा श्रद्धालुहरुले पहेँलो वस्त्र लगाएका केटाकेटीलाई दूध, फलफूल, रोटीका साथै अन्य परिकार खुवाइरहेका थिए । यस पटक यसरी खाद्यवस्तु लिन खोज्नेमा साधु, जोगी र बरालिएर हिँड्ने बालबालिका अधिक रुपमा देखिन्थ्यो । कतिपयले बाजागाजासहित गाईजात्रा निकालेका थिए ।
हिन्दू संस्कारअनुसार भाद्र कृष्ण अष्टमीसम्म यो पर्व मनाउने गरिन्छ ।
राजा प्रताप मल्लको पुत्रको अल्पायुमै निधन भएपछि विक्षिप्त भएकी आफ्नी रानीलाई दुनियाँदारका थुप्रै आफन्तजनको पनि मृत्यु हुन्छ भनेर देखाउन गाईजात्रा निकाल्न लगाएको इतिहास छ ।
आजै हास्यव्यङ्ग्यका कार्यक्रम पनि गरिन्छ । नेवार समुदायका मानिस ‘बहि द्यः’ (दीपंकर बुद्ध) को दर्शन गर्न काठमाडौँका विहार विहार घुम्छन् । यो क्रम केही दिनसम्म जारी रहन्छ ।

प्रतिक्रिया

सम्बन्धित सामाग्री

फेसबुक