बुधबार, असोज ७ २०७७ | Wed, September 23, 2020
नेपालको समय: १४:४८ | UK Time: 10:03

साफ च्याम्पियनसिप–नेपाल र भारत फाइनलमा

वीनेपाली
२०७२ भदौ १० गते १९:२५
बिहीबार भएको नेपाल र अफगानिस्तानबिचको सेमी फाइनल साफ १९ वर्ष मुनिको पुरुष फुटबल च्याम्पियनसिप खेल । तस्बिरः प्रदीपराज वन्त,रासस

बिहीबार भएको नेपाल र अफगानिस्तानबिचको सेमी फाइनल साफ १९ वर्ष मुनिको पुरुष फुटबल च्याम्पियनसिप खेल । तस्बिरः प्रदीपराज वन्त,रासस

काठमाडौँ, १० भदौ । उन्नाइस वर्षमुनिको पहिलो साफ च्याम्पियनसिप फुटबल प्रतियोगिताको फाइनल खेलमा नेपालले चिरपरिचित प्रतिद्वन्द्वी भारतसँगको भेट पक्का गरेको छ ।

सातदोबाटोस्थित अखिल नेपाल फुटबल सङ्घ(एन्फा) कम्प्लेक्सको खेल मैदानमा आज भएको दोस्रो सेमिफाइनल खेलमा भारतले बङ्गलादेशलाई सडन डेथमा ४–३ गोलअन्तरले पराजित गरेपछि नेपालले भारतसँँगको भेट पक्का गरेको हो ।

आजै भएको पहिलो सेमिफाइनल खेलमा नेपालले अफगानिस्तानलाई ३–२ गोलअन्तरले पराजित गर्दै फाइनलमा प्रवेश गरेको थियो । समूह ए को विजेता नेपालले समूह बी को विजेता भारतसँग शनिबार फाइनल खेल्नेछ ।

नेपालले समूह चरणको खेलमा भुटान र बंगलादेशलाई पराजित गर्दै सेमिफाइनलको यात्रा तय गरेको थियो भने भारतले अफगानिस्तान र माल्दिभ्सलाई पाखा लगाउर्दै अघिल्लो चरणमा प्रवेश गरेको थियो ।

सार्कका छ राष्ट्रले भाग लिएको उक्त प्रतियोगितामा भुटान, माल्दिभ्स, बङ्गलादेश र अफगानिस्तान प्रतियोगिताबाट बाहिरिएका छन् ।

प्रतिक्रिया

सम्बन्धित सामाग्री

फेसबुक