भूकम्प पीडित वालवालिकाका लागि सुन्दरीहरुको च्यारिटी

आयोजकसहित च्यारिटीका सहभागी । तस्विर सौजन्य ः मिलन तमु

आयोजकसहित च्यारिटीका सहभागी । तस्विर सौजन्य ः मिलन तमु

लन्डन । मिस यूके नेपाल २०१४ का सुन्दरीहरुले शुक्रबार भूकम्पबाट पीडित नेपाली वालवालिकाको सहयोगार्थ एक च्यारिटी कार्यक्रम गरेका छन् ।
२१ अगष्ट निरमाया रोधीघर अल्डरसटमा आयोजित उक्त कार्यक्रम मिस यूके नेपाल २०१४ निया देवान, सुस्मिता थापा र मिस यूके नेपाल आयोजक संस्था इभेन्ट एण्ड आइडियाज्की निर्देशक शान्ति गुरुङको पहलमा भएको हो ।

कार्यक्रमबाट करिब ७ सय पाउण्ड संकलन भएको मिस यूके नेपाल २०१४ निया देवानले जनाइन् ।

‘हामीले सोचेभन्दा सफल भयो कार्यक्रम’, नियाले खुशी हुंदै भनिन्, ‘अब छिट्टै म आफैं नेपाल गएर पीडितलाई रकम हस्तान्तरण र स्वयंसेवा पनि गर्ने योजना छ ।’

‘होप फर नेपाल’ नामको उक्त च्यारिटी कार्यक्रममा हाल बेलायत रहेकी चर्चित लोकदोहोरी गायिका मन्जु पौडेल र विजय अनि प्रितीको जोडीले गीत सुनाएर भरपुर मनोरन्जन दिएका थिए ।

कार्यक्रममा टिकेट बिक्री र श्रीयाज् फेसनले प्रायोजन गरेको ज्वेलरी बक्स् अक्सनमा राखेर रकम उठाइएको थियो ।

कार्यक्रममा समाजसेवी नेपालीको उत्साहजनक सहभागिता थियो ।

प्रतिक्रिया

सम्बन्धित सामाग्री