बुधबार, मंसिर १५ २०७८ | Wed, December 01, 2021
नेपालको समय: २१:३६ | UK Time: 15:51

एनसिआइ युकेले नेपालमा लगानी गर्ने

वीनेपाली
२०७२ साउन ३२ गते २०:३६

image-18f28dffb8d562191582f913d91e1112d89347e8252d47af74190c4f92581ba7-V

लण्डन । साउथ इष्ट लण्डनका व्यवसायीहरुको पहलमा स्थापित नेपाल कोअपरेभिट इन्भेष्टमेण्ट (एनसिआइ) ले नेपालमा लगानी गर्ने भएको छ ।
एनसिआइका अध्यक्ष मोहन गुरुङको अध्यक्षतामा आइतबार गोरखा भिलेज रेष्टुरेन्ट चाथाममा बसेको बोर्ड बैठकले सो निर्णय गरेको हो ।
एनसिआइका कोषाध्यक्ष एलएन पाण्डेका अनुसार काभ्रे जिल्लामा रहेको गोरखा अर्गानिक फार्म एण्ड रिसर्च सेन्टरमा एनसिआइले लगानी गर्ने भएको हो । सो सेन्टरले अर्गानिक फार्म, रिसोर्ट, मिनरल वाटर, पेट्रोल पम्प सञ्चालन गर्ने भएको छ । सो सेन्टर २०१३ देखि निर्माणाधीन छ ।
यसैगरी, एनसिआइले युरोपमा पनि शाखा विस्तार गर्ने भएको छ । तत्कालमा बेल्जियम र हल्याण्डमा शाखा खोल्ने भएको हो । ‘युरोपका व्यावसायीहरुले पनि एनसिआइमा आवद्ध भएर लगानी गर्न चाहेकाले उनीहरुलाई पनि समेट्ने निर्णय गरिएको छ’ पाण्डेले भने ।
साउथ इष्ट लण्डनका १५० व्यावसायी सो संस्थामा आवद्ध छन् । संस्थाले हालै प्रोपर्टी खरिद बिक्री गरेर एकैदिनमा ३० हजार पाउण्ड नाफा आर्जन गरेको छ ।

image-0af208fe470d4106f445ba1562684bc60427b13d60d20de7772f718b22f3e5d3-V

प्रतिक्रिया

सम्बन्धित सामाग्री

फेसबुक