शनिबार, असोज ३ २०७७ | Sat, September 19, 2020
नेपालको समय: ०२:५० | UK Time: 22:05

व्यवसायी अधिकारी अब गीतकारका रुपमा स्थापित

वीनेपाली
२०७२ साउन ३२ गते ११:४०

11909721_10153554719631197_149628537_n

लन्डन । ‘जिन्दगी आफंैमा एउटा यात्रा हो, त्यसैले यात्रा त गर्नु नै छ ।’ यी माथिका शब्दहरु केही दिन अघि मात्र सार्वजनिक भएको गीतकार गोपाल अधिकारीको ‘यात्रा’ बोलको म्यूजिक भिडियोबाट साभार गरिएको हो ।

गोपाल अधिकारीको आफ्नै शब्द, हिमाल सागरको सङ्गीत र रामकृष्ण ढकालको आवाज रहेको ‘यात्रा’ बोलको गीतको भिडियोमा आरती गैरेको साथमा प्रमुख भूमिकामा गोपाल अधिकारी आफैं देखिएका छन् । स्कटल्याण्डको मनमोहक दृश्यमा छायांकन गरिएको यो भिडियोले अहिले चर्चा बटुल्दै छ । श्रव्य दृश्यकै क्षेत्रमा अध्ययनरत दिपेश रेग्मीको निर्देशनमा बनेको भिडियो कथात्मक र रोचक छ ।

आफ्नै जिन्दगीको उकाली ओरालीको भोगाईलाई शब्दमा प्रस्तुत गर्न सक्ने अधिकारीको ट्रष्ट मी एल्बम पनि सार्वजनिक भइसकेको छ ।गीतकार अधिकारीका धेरै गीत सार्वजनिक भइसकेका छन् । ‘तिम्रो माया चाहंदा चाहंदै कसैको मायां पाउन पुगेछु, तिमीसंगै जुनी जुनी जिउने आशामा अर्कैसंग जिउन पुगेछु’, भूषण दाहालबाट निर्देशित अन्जु पन्तको स्वरमा सजिएको उक्त गीत अधिकारीले लेखेका हुन् ।

‘यात्रा त गर्नु छ’ किनकि जिन्दगी नै एउटा यात्रा हो । यही यात्राले गोपाल अधिकरीलाई नेपालको धादिङ्ग देखि बेलायतको लिभरपुलमा ल्याएर स्थापित गरायो अनि नेपालीको छोरोलाई मेक्सिकन खानामा दक्ष बनाएर दुईवटा मेक्सिकन रेस्टुरेन्टको मालिक समेत बनाएको छ ।

उनको गीतमा बनेको भिडियो यस्तो छः

https://www.youtube.com/watch?v=Mc9lrd7w6DI

प्रतिक्रिया

सम्बन्धित सामाग्री

फेसबुक