
रेडिङ कपमा महिला फुटबल पनि
लण्डन । ग्रेटर रेडिङ नेपाली समाजले वर्षेनी आयोजना गर्दै आएको रेडिङ कपमा यस वर्षदेखि महिला फुटबल पनि समावेश गरिएको छ ।
अागामी २९ अगष्टमा रेडिङको पालमर पार्कमा हुने सो फुटबल प्रतियोगितामा महिला तर्फ प्रथम हुनेलाइृ ५०० पाउण्ड र दोस्रो हुनेलाई ३०० पाउण्ड पुरस्कार राखिएको आयोजकहरुले बताएका छन् ।
महिलाहरुलाई खेलकुदमा प्रोत्साहन गर्न यस वर्ष महिला फूटबल पनि गर्न लागेको जानकारी समाजका अध्यक्ष मानबहादुर गुरुङले दिए ।
त्यसैगरी यूथतर्फ़को विजेताले १ हजार ५०० पाउण्ड र उपविजेताले १ हजार पाउण्ड पुरस्कार पाउने छन् । भेट्रानतर्फ़ प्रथमले ५०० र दोस्रोले ३०० पाउण्ड पाउने कार्यक्रम संयोजक तथा समाजका अध्यक्ष गुरुङले बताए । महिला फूटबल मा पनि प्रथम हुने ले ५०० पाऊण्ड र दोस्रा हुने ले ३०० पाऊण्ड पाउने छन् |
लिग कम नकआउटको आधारमा हुने उक्त प्रतियोगितालाई सफल बनाउन समाजको कार्यसमितिका पदाधिकारी र सल्लाहकारहरुको संयोजनमा विभिन्न उपसमिति पनि गठन गरिएको समाजका महासचिव नव न्यौपानेले जानकारी दिए ।
करिब ४ हजार ५०० नेपाली रेडिङमा बसोबासरत रहेको बताइएको छ ।
प्रतिक्रिया

सम्बन्धित सामाग्री
- नयाँ भाइरस तीव्र गतिमा फैलिएपछि लण्डन, पूर्वी र दक्षिण पूर्वी इंग्ल्याण्ड टियर ४ मा
- बेलायत सरकारद्वारा गोरखा भूपू सैनिकका लागि नयाँ पेन्सनको प्रस्तावमाथि सुझाव माग
- कोरोना खोपको पहिलो डोज लिएका पुडासैनीलाई कोरोना संक्रमण
- ‘बेलायतमा वर्क पर्मिट खुल्यो भनेर हल्लाको पछि नलागी बुझेर मात्र आउनुहोस्’ : सोलिसिटर दिपक भट्टराई
- बेलायत र युरोपियन युनियनबीच सहमति