लन्डन । नेपलिज वोमेन हेल्पिङ हेण्ड्स यूकेले विगत वर्ष झैं यसपटक पनि समर आउटिङ कार्यक्रम गरेको छ । संस्थाले गत १८ जुलाईमा डर्डल डोर (डोरसेट) सि साइड टुर गराएको हो ।
भ्रमणमा बेलायतका विभिन्न ठाउंमा छरिएर रहेका महिला, वालवालिका लगायतको सहभागिता थियो ।
एकापसमा भेटघाट, मनोरञ्जन, शिक्षा र संस्कृतिबारे अवगत गराउने उद्देश्यले आयोजित समर आउटिङमा विभिन्न लोकगीत, दोहोरी गीतका साथै अन्य आकर्षक कार्यक्रमले सहभागीलाई दिनभर मनोरञ्जन दिलाएको थियो ।
भ्रमणबाट संकलित रकम संस्थामा जम्मा गरिएको र पछि नेपालमा सहयोग गरिने संस्थाकी अध्यक्ष श्रीमती तारा पौडेलले बताइन् ।
