बेलायती प्रधानमन्त्री क्यामरुन सिङ्गापुर जाने

लन्डन  । बेलायती प्रधानमन्त्री डेभिड क्यामरुन आफ्नो दुईदिने भ्रमणमा मंगलबार सिङ्गापुर जाने भएका छन् । सिङ्गापुरको  विदेश मामिला मन्त्रालयले सोमबार सो कुरा जनाएको हो ।

मङ्गलबार र बुधबारको सिङ्गापुर बसाइँमा क्यामरुनले सिङ्गापुरका राष्ट्रपति टोनी टान केङयाम तथा त्यहाँका प्रधानमन्त्री लि सेन लुङसँग भेट्ने कार्यक्रम छ ।

बेलायती प्रधानमन्त्री क्यामरुनलाई एक विशेष समारोहबीच बुधबार स्वागत गरिने साथै उनको सम्मानमा सिङ्गापुरका प्रधानमन्त्री लुङले बुधबार नै दिवा भोज आयोजना गर्नेछन् ।
बेलायती प्रधानमन्त्रीको सिङ्गापुर बसाइँमा दुई देशबीच ५० वर्ष लामो कूटनीतिक दुईपक्षीय सम्बन्ध अझै मजबुत हुने विश्वास गरिएको छ ।