शुक्रबार, असोज ९ २०७७ | Fri, September 25, 2020
नेपालको समय: १२:३८ | UK Time: 07:53

यती कप प्लमस्टिड युथलाई

वीनेपाली
२०७२ साउन १० गते १३:४७

11793821_964605773559776_1882362432_o

लन्डन । यती नेपाली एसोसिएसन यूकेले सञ्चालन गरेको यती कप २०१५ प्लमस्टिड युथले जितेको छ । शनिबार ग्रीनफोर्ड ब्रेन्टसाइड मैदानमा आयोजित प्रतियोगितामा प्लमस्टिड युथले ३ गोल गरि अवार्ड सुरक्षित गरेको हो । उक्त टिमले एक हजार २५० पाउण्ड नगद र ट्रफी प्राप्त गरेको छ । प्लमस्टिड एफसीले यती कप जितेको यो चौंथोपटक हो । उसले यसअघि लगातार तीनपटक जितेर यती रनिङ कप आफ्नो बनाइसकेको छ । आजीवन सदस्य पिपला देवानले विजेता टिमलाई मुख्य कप प्रदान गरिन् । ७०० पाउण्ड बराबरको यती रनिङ कप एसोसिएसनकी आजीवन सदस्य देवानले प्रायोजन गरेकाले उनको हातबाट प्रदान गरिएको हो ।

कुल १८ टिम सहभागी प्रतियोगितामा रनरअप भएको बी १३ एफसीले कप र ६०० पाउण्ड नगद प्राप्त गर्यो ।

प्रतियोगितामा हाइ स्कोरर र म्यान अफ दि म्याच प्लमस्टिड युथकै रेगन गुरुङले हात पारे । अन्य विजेतालाई मुख्य अतिथी इलिङ काउन्सिलर सितल मुन्द्रो, अध्यक्ष उमेश मोक्तान, अतिथिहरु एनआरएनए यूके महासचिव राजकुमार त्रिपाठी, तमु समाज बेलायतका संस्थापक अध्यक्ष चित्रबहादुर गुरुङ, सल्लाहकार सुवसिं गुरुङ र साहित्यकार हरिसिंह थापाले पुरस्कार वितरण गरेका थिए ।

खेलकुद सचिव पुरुषोत्तम राईको संयोजनमा भएको उक्त प्रतियोगिताको औपचारिक कार्यक्रम महासचिव शशीधर नेपालले सञ्चालन गरेका थिए । अध्यक्ष उमेश मोक्तानको सभापतित्वमा भएको पुरस्कार वितरण समारोहमा कोडेक यूके अध्यक्ष विष्णु वाग्ले, गोर्खाली समाज यूकेका अध्यक्ष भरत क्षेत्री, समाजसेवी एवं वरिष्ठ सञ्चारकर्मी खगेन्द्र नेपाली लगायत सयौं दर्शक सहभागी थिए ।

अत्यन्त सौहार्द वातावरणमा खेल सम्पन्न भएको एसोसिएसनले जनाएको छ । उक्त अवसरमा वालवालिकाका लागि बाउन्सी क्यासल र चित्रकला प्रतियोगिता समेत राखिएको थियो । प्रतियोगितामा तीन जनालाई विजेता घोषणा गरियो ।

कुनै जमाना लन्डनमा अत्यन्त लोकप्रिय यती कप अहिले भने छायांमा पर्दै गएको पाकाहरुको अनुभव छ । फुटबल प्रतियोगिता अत्यधिक भएकाले पनि टिम सहभागिता र दर्शक उपस्थिति आशातित हुन नसकेको हो ।

11793806_964605693559784_2049669472_o

तस्विरहरु ः एभरेष्ट गौतम

प्रतिक्रिया

सम्बन्धित सामाग्री

फेसबुक