अर्जुन कटवाल
लण्डन । गैरआवासीय नेपाली संघ (एनअारएन) युकेको निर्वाचन मिति नजिकिँदै मुख्य पदहरुमा उम्मेदवारी दाबी गर्न थालिएको छ ।
वर्तमान कार्यसमितिका प्रबक्ता अर्जुन कटुवालले उपाध्यक्ष पदमा उम्मेदबारी दिने घोसणा गरेका छन् । कटवालले कार्यालय सचिव र प्रवक्ताको जिम्मेवारी सम्हाल्दै आएका छन् । आफ्नो कार्यकालमा कार्यालय स्थापना, एमआरपी पासपोर्ट र इमिग्रेशनका सूचनाहरु, क़ानूनी सल्लाह, स्वास्थ्य शिविर संचालन, स्वास्थ्य अवस्थाको सर्भेक्षण, कला र संस्कृतिको संरक्षण जस्ता सेवादायी कार्यक्रमहरु गर्न सकिएको उनले दाबी गरेका छन् ।
यूके नेपाल फ्रेंडशिप सोसाइटीका कोषाद्यक्षसमेत रहेका कटुवालले एनआरएनले स्थानीय संघ-संस्थाहरुसँग साझेदारीमा संयुक्त रुपले काम गर्ने धारणा अगाडि सारेका छन् । बेलायत र नेपालको २०० वर्षको कुटनैतिक सम्बन्ध स्थापना भएको अवसरमा अन्तर्राष्ट्रिय नेपाल- बेलायत कला प्रदर्शनी र नेपाल एयर एम्बुलेंस सेवाको थालनी गर्ने एनआरएनमा वेलफेयर फण्ड (अक्षय कोष) को ब्यबस्था गर्ने कटवालको योजना छन् ।
विजय लिङदेन
यसैगरी किरात याक्थुङ चुम्लुङ युकेका पूर्व महासचिव विजयविक्रम लिङदेनले पनि महासचिव पदमा उम्मेदवारी दिने घोषणा गरेका छन् ।
ताप्लेजुङ समाज युके, अक्सफोर्ड नेपाली समाज, किरात धर्म तथा साहित्य मन्च, हङकङ नेपाली मन्चका सल्लाहकार रहेका लिङदेन हङकङमा रहँदा ताप्लेजुङ सोसाइटीका अध्यक्ष र फियोनाका सदस्य रहेका थिए ।
एनअारएनलाई ब्यवस्थित बनाउने हालसम्म असरल्ल रहेको सदस्यता विवरणलाई संस्थागत बनाउने एनआरएनहरु नेपाल जाँदा बिदा मनाउन होइन आफ्ना अधिकार खरो रुपमा उठाउने उनको योजना छ । उनी आफू कुनै पार्टि र प्यानलमा पनि आवद्ध नभइ स्वतन्त्ररुपले उम्मेदवारी दिएको उनले प्रष्ट्याए ।
