आइतबार, असोज ११ २०७७ | Sun, September 27, 2020
नेपालको समय: ०२:४४ | UK Time: 21:59

प्रा. सुवेदी च्यारिटीका लागि सय किमी वाकमा

वीनेपाली
२०७२ असार ३१ गते १०:२०

dididajudash

लन्डन । बेलायतमा चिरपरिचित अन्तर्राष्ट्रिय कानुनका एकजना प्राध्यापक डा. सूर्य सुवेदी (ओविइ) भूकम्प पीडितको सहयोगार्थ हिंड्ने भएका छन् । नेपाल र बेलायतमा काम गर्ने एउटा ब्रिटिश च्यारिटी संस्था ब्रिटेन नेपाल मेडिकल ट्रष्टका लागि १०० किमी इपिक वाकमा सुवेदीले सहभागिता जनाउने भएका हुन् । ट्रष्टका सहअध्यक्षहरु सुवेदी र डा. जिलियन होल्ड्सवर्थको नेतृत्वमा यो अभियान तय भएको हो । यही १७ जुलाई बिहान ७ बजे एप्पलडोर केन्टबाट शुरु हुने दिदी दाजु ड्यास नामक अभियान रोयल मिलिट्री कनाल हुंदै राइ, हेस्टिङ, पेभेन्सी बे, इष्टबोर्न, अलफ्रिस्टोन, लिविस, इष्ट ससेक्स् हुदै १८ जुलाइ सांझ समापन हुनेछ । यसको कुल दुरी ६७ दशमलव ४ माइल हुनेछ ।

वाकमा अन्य धेरै सहभागी हुने जनाउंदै प्राध्यापक डा. सुवेदीले इच्छुक नेपालीलाई समेत सहभागिता जनाइ पीडितका लागि आर्थिक सहयोग गरिदिन आग्रह गरेका 
छन् । एनआरएनए यूके संस्थापक अध्यक्ष व्यवसायी महन्त श्रेष्ठले यस च्यारिटी अभियानमा सहयोगको वचन दिइसकेको सुवेदीले जनाए । ‘सहयोगका लागि मात्र होइन, यो एउटा रोमाञ्चक यात्रा समेत हुनेछ’, सुवेदीको विश्वास छ । वाकबाट संकलित रकम भूकम्प पीडित राहत कोषमा जाने बताइएको छ ।

सन् १९६८ मा स्थापित उक्त च्यारिटी नेपालका लागि लामो समय देखि काम गर्ने संस्था मानिन्छ । झण्डै ४७ वर्षको अवधिमा उक्त च्यारिटीले नेपाली जनताको स्वास्थ्य सुधारमा अतुलनीय काम गरेको बताइन्छ । आगामी वर्ष ब्रिटेन नेपाल कुटनीतिक सम्वन्ध स्थापनाको दुई सय वर्ष गांठ मनाउने तयारी भइरहंदा उक्त ट्रष्टले दुवै देशमा आयोजना गरिने समारोहहरुमा सहभागिता जनाउने बताएको छ ।

प्रतिक्रिया

सम्बन्धित सामाग्री

फेसबुक