बुधबार, कार्तिक ५ २०७७ | Wed, October 21, 2020
नेपालको समय: ०१:२४ | UK Time: 20:39

रेडिङमा नेपालका वरिष्ठ गायकहरु सम्मानित

वीनेपाली
२०७२ असार २९ गते १:१२

image

लन्डन । रोयल अल्बर्ट हलमा कन्सर्ट गर्न आएका कलाकार मध्ये वरिष्ठ गायकहरु दीप श्रेष्ठ, ओमविक्रम विष्ट र योगेश्वर अमात्य सम्मानित भएका छन् ।

पासा पुचः गुठी रेडिङले उनीहरुलाई थेम्स् भ्याली पार्कमा आयोजित एक कार्यक्रममा सम्मान गरेको हो । तीन गायकलाई गुठीकी ज्येष्ठ सदस्य विष्णुमाया कायस्थले दोसल्ला ओढाएर सम्मान गरिन् भने पासा पुचः गुठी यूकेका अध्यक्ष महन्त श्रेष्ठले सम्मान पत्र दिए ।

सम्मान ग्रहणपछि गायक विष्टले विदेशी भूमिमा स्वदेशीहरुबाट सम्मान पाउनु गौरवको कुरा भएको बताए । उनले नेवारी भाषामा मन्तव्य राख्दा सहभागी आश्चर्यचकित भएका थिए ।

कार्यक्रममा पासा पुचः गुठी रेडिङका अध्यक्ष सुदर्शन श्रेष्ठले स्वागत मन्तव्य दिए भने गुठीका महासचिव शिवजी श्रेष्ठले कार्यक्रम सञ्चालन गर्दै भाषा र सीमाको वन्धन नरहने सांगीतिक क्षेत्रका नक्षत्रहरुको सम्मानले संस्थाकै गरिमा बढेको जनाए ।

प्रतिक्रिया

सम्बन्धित सामाग्री

फेसबुक