बिहीबार, असोज १५ २०७७ | Thu, October 01, 2020
नेपालको समय: १४:०३ | UK Time: 09:18

मिलन चाम्स् द्वारा जन्मदिनमा वीर विक्रम बनाउने घोषणा

वीनेपाली
२०७२ असार १७ गते १२:२०

11652204_10207231282327152_499747183_n
लन्डन । पहिलो फिल्म हंसियाबाट एकाएक चर्चामा आएका युवा निर्देशक मिलन चाम्स्ले आफ्नो जन्मदिनको अवसरमा बिहीवार वीर विक्रम नामक नयां फिल्म बनाउने घोषणा गरेका छन् ।

एक्सन, कमेडी र ड्रामा जेनर मिश्रित हुने भनिएको उक्त फिल्ममा चलेका कलाकारहरु दयाहाङ राई, अर्पण थापा, अनुप बिक्रम शाही अनि नयां अनुहार दिया पुन मुख्य भूमिकामा रहने पक्का भएको छ ।

निर्देशक चाम्स्ले सिनेमामा यम थापाको कथा, राम केसीको छायांकन, तारा प्रकाशको संगीत अनि रेनशा राईको नृत्यनिर्देशन रहने जनाए ।
चाम्स् फिल्मस् प्रोडक्सनको ब्यानरमा निर्माण हुन लागेको वीर विक्रमको निर्माता निर्देशक मिलन चाम्स् स्वयं छन् भने सहनिर्माताहरुमा अनिला राई, पृथ्बीराज राई र शिब कुमार राईको संयुक्त लगानी रहनेछ ।

फिल्मको प्राविधिक तथा प्रि प्रोडक्शन कामका लागि केही समय अघि बेलायत आएका चाम्स्ले हलिउडका प्राविधिकहरुसंग सिप सिक्ने अवसर प्राप्त गर्न पाउनुलाई यूके बसाइको उपलब्धि मानेका छन् ।

प्रतिक्रिया

सम्बन्धित सामाग्री

फेसबुक