सोमबार, असोज १२ २०७७ | Mon, September 28, 2020
नेपालको समय: ०३:३६ | UK Time: 22:51

यूकेभिआईले भन्योः भूकम्प पीडित विद्यार्थीलाई बेग्लै नीति छैन्

वीनेपाली
२०७२ असार १६ गते १३:४८
ukvi nrn

यूकेभिआईको जवाफ

 

लन्डन । यूके भिजा एण्ड इमिग्रेसन (यूकेभिआई) ले भिजा थप्न निवेदन दिएका नेपाली विद्यार्थीहरुको आवेदन भूकम्पकै कारण पुनर्विचार गर्ने बेग्लै नीति वा छुट नभएको स्पष्ट पारेको छ ।

गत मे ९ तारिख एनआरएनए यूकेले भूकम्पपछि नेपालको दयनीय स्थिति अगाडि सार्दै पीडित विद्यार्थीलाई अस्थायी बसोवासका लागि पुनर्विचार गरिदिन आग्रह सहित पठाएको पत्रको जवाफमा यूकेभिआईले उक्त कुरा प्रष्ट्याएको हो ।

उसले विद्यार्थीहरु थप बस्न चाहे फरदर लिभ टु रिमेन (एफएलआर) आवेदन गर्न सुझाएको छ, जुन नियम सामान्य र विद्यमान छ ।
हाल यूके रहेका नेपाली विद्यार्थीले आवश्यक मापदण्ड पुरा गर्न सके एफएलआरका लागि आवेदन गर्न सक्ने सुझाइएको छ । हरेक आवेदन गहन रुपमा हेरि बलियो प्रमाण भए त्यसका आधारमा निर्णय लिइने यूकेभिआईको स्पष्टोक्ति छ ।

एनआरएनए यूके अध्यक्ष महेन्द्र कंडेलले भने पत्रको जवाफलाई सकारात्मक भनेका छन् । अब नेपाली विद्यार्थीले एफएलआर आवेदन दिंदा उनीहरुको केस पहिलाभन्दा थप बलियो हुने उनको दावी छ ।

प्रतिक्रिया

सम्बन्धित सामाग्री

फेसबुक