सोमबार, असोज १२ २०७७ | Mon, September 28, 2020
नेपालको समय: १७:०८ | UK Time: 12:23

ताप्लेजुङका बाढी पीडित सहयोगार्थ युकेमा च्यारिटी डिनर

वीनेपाली
२०७२ असार ८ गते २२:३९

लण्डन । ताप्लेजुङमा हालै गएको बाढी पहिरोका पीडितहरुलाई सहयोग गर्न ताप्लेजुङ सोसाइटी युकेले एक च्यारिटी डिनर आयोजना गर्ने भएको छ ।
सोसाइटीको हालै बसेको आकस्मिक बैठकले यही अगष्ट २३ तारिखका दिन लण्डनको फेल्थाममा च्यारिटी डिनर आयोजना गर्ने निर्णय गरेको हो ।
फेल्थाम कम्युनिटी कलेजमा हुने सो च्यारिटी डिनरमा ताप्लेजुङ जिल्लाबाट युके आई बसोबासरत नेपाली र गोरखा सैनिकहरुको उपस्थिति रहने बताइएको छ ।
बैठकमा सोसाइटीका सदस्य लक्ष्मीप्रसाद लिवाङले हालै गएको बाढी पहिरोले पुर्याएको क्षतिका बारेमा जानकारी गराएका थिए ।
सोसाइटीका अध्यक्ष लक्ष्मी घिसिङको अध्यक्षतामा बसेको बैठकमा सल्लाहकारहरु मेजर भुवानी खापुङ र डा. चन्द्र लक्सम्बा, रत्न लाबुङ, खेमराज मादेन, अमृता पालु‌ंगवा, शिव पालुंगवा, जित मेन्यांबो, विष्णु सुब्बा, बिन्दाकला थेबे, नरप्रसाद सादेनहिम लिम्बु लगायतको उपस्थिति थियो ।
बैठकमा सोसाइटीको हस्पिटल परियोजनाका बारेमा सल्लाहकार भुवानी पन्धाकले जानकारी गराएका थिए ।

प्रतिक्रिया

सम्बन्धित सामाग्री

फेसबुक