बुधबार, असोज ७ २०७७ | Wed, September 23, 2020
नेपालको समय: १९:१० | UK Time: 14:25

क्यामरुन सरकार थोरै कमाउने ३० हजार नर्स फर्काउने योजनामा

वीनेपाली
२०७२ असार ८ गते ९:४५

167A8A52000005DC-3133844-image-a-3_1434927459692

लन्डन । आप्रवासीप्रति अलिक अनुदार देखिएको डेभिड क्यामरुन नेतृत्वको वर्तमान कन्जरभेटिभ सरकारले वार्षिक ३५ हजार पाउण्ड कमाउन नसक्ने ३० हजार विदेशी नर्सहरुलाई स्वदेश फिर्ता गराउने तयारी गरेको छ ।
सन् २०११ यता युरोपेली युनियनबाहेकका देशबाट काम गर्न बेलायत आएका नर्सहरुको कमाइ ६ वर्षपछि वार्षिक ३५ हजार पाउण्ड भन्दा न्यून भए सन् २०१७ मा स्वदेश फर्कनु पर्ने भएको हो ।
कन्जरभेटिभको उक्त अव्यवहारिक अध्यागमन कानुनले नेशनल हेल्थ सर्भिस् 
(एनएचएस) मा कर्मचारी संकट पर्ने चिन्ता रहेको बेलायती अखवार डेली मिररले जनाएको छ । दि रोयल कलेज अफ नर्सिङले सरकारको यस्तो कानुनले एनएचएस सेवा र विरामीको जीवननै जोखिममा पर्ने चिन्ता व्यक्त गर्दै नियम पुनर्विचार गर्न आग्रह गरेको छ ।

दि रोयल कलेज अफ नर्सिङका चिफ एक्जुकेटिभ डा. पिटर कार्टरले सरकारको नयां कानुनले स्वास्थ्य सेवा नराम्ररी प्रभावित हुने बताएका छन् । नर्सको माग बढिरहंदा सरकारको हालको अध्यागमन नियमले नै बाह्य मुलुकबाट नर्सहरु झिकाउन अप्ठेरो थियो । कार्टरले सरकारले नर्सहरुका लागि तालिम केन्द्र कटौती गरेपछि एनएचएस ट्रष्ट अस्थायी र विदेशी नर्समा आश्रित हुनुपरेको बताए ।

यसअघि नै सरकारको बजेट कटौतीमा परेको एनएचएस अब नयां अध्यागमन नियमबाट झन् प्रभावित हुनेछ । नर्स अभावले विशेष गरि वृद्धवृद्धा प्रभावित हुनेछन् । यस अलवा बाह्य मुलुकबाट नर्स झिकाउन खर्च भएको १८० मिलियन पाउण्ड वालुवामा पानी जस्तो त्यसै खेर जाने भएको छ ।
सरकारका प्रवक्ताले भने माइग्रेसन एड्भाइजरी कमिटीको सर्टेज अकुपेसन लिष्टमा नर्सिङ नपरेको जिकिर गर्दै नयां कानुनको वचाउ गरेका छन् ।

प्रतिक्रिया

सम्बन्धित सामाग्री

फेसबुक