ग्रेटर रसमोर नेपलिज कम्युनिटीलाई मिमोसाको सहयोग

लन्डन । अल्डरसट वेस्टगेट स्थित मिमोसा एसियन बफेट रेष्टुरेन्ट एण्ड बारले भूकम्प पीडितका लागि आर्थिक सहयोग गरेको छ । १८ जुनमा रेष्टुरेन्टमै एक समारोहबीच म्यानेजर दिल नेपालीले ग्रेटर रसमोर नेपलिज कम्युनिटीका वरिष्ठ उपाध्यक्ष जीव बेल्बासेलाई ५ सय पाउण्ड हस्तान्तरण गरेका हुन् ।

म्यानेजर दिल नेपालीको सक्रियतामा रेष्टुरेन्टले गत ७ जुनमा एक च्यारिटी डिनर कार्यक्रम गरेको थियो । उक्त च्यारिटी गर्न मिमोसाका प्रवन्धक चरनजित ग्रेवाल, श्यारन ग्रेवाल, सनी ग्रेवाल, कुलदिप गिल र बलबिन्दर गिल एवं ग्रेटर रसमुर नेपालिज कम्युनिटीले सहयोग गरेका थिए ।

रकम हस्तान्तरणका अवसरमा ग्रेटर रसमुर नेपलिज कम्युनिटीका पूर्व अध्यक्ष रोहित गुरुङ, वर्तमान उपाध्यक्ष राम धन राई र महासचिव रन्जिता मल्ल समेतको सहभागिता थियो । उपाध्यक्ष राम धन राईले भूकम्प पीडितका लागि रकम आउने क्रम जारी रहेको जनाए ।